Astanalyq 14 jastaǵy tennısshi Avstralııadaǵy týrnırdiń fınalyna jetti

Astanalyq tennısshi Albına Kakenova Avstralııadaǵy jasóspirimder týrnıriniń fınalynda óner kórsetti.

«Melbýrn Parkiniń» kortynda Avstralııanyń ashyq chempıonatyna arnalǵan Asia-Pacific Elite 14 & Under Trophy jasóspirimder týrnıri aıaqtaldy. 14 jastaǵy jerlesimiz Albına Kakenova fınaldaǵy tartysty básekede Japonııa ókili Hıkarı Iamommotoǵa ese jiberip aldy. Esep – 7:6, 4:6, 2:6.

Árıne, sheshýshi matchta jeńilip qalǵanyma muńaıyp otyrmyn. Fınalǵa jetý úshin qanshama kóp kúsh jumsadym. Degenmen jyldy jaqsy bastaǵanyma óte qýanyshtymyn. Bul – mundaı bedeldi týrnırdegi birinshi fınal. Tamasha apta jáne jaqsy týrnır boldy. Men odan tek oń nátıje ala alamyn, — dedi jas sportshy.

Albına Kakenova – Astana tennıs mektebiniń tárbıelenýshisi. «Dáýlet» tennıs ortalyǵynda Marat Sharıpovtyń jetekshiligimen jattyǵady.

Jalpy, ótken jyly 14 jasqa deıingi oıynshylar arasyndaǵy Azııa reıtınginde Qazaqstan maýsymdy 1-orynda aıaqtap, ATF (Asian Tennis Federation) Juniors serııasynyń jalpy tórt týrnırinde jeńiske jetken bolatyn.

Erkeǵalı BEISENOV,

ASTANA