حوككەيدەن قازاقستان قۇراماسى الەم چەمپيونى اتاندى

رۋمىنيادا شايبالى حوككەيدەن قازاقستاننىڭ جاسوسپىرىمدەر قۇراما كومانداسى 18 جاسقا دەيىنگى قىزدار اارسىندا وتكەن الەم چەمپيوناتىنىڭ ۆ توبىنداعى ەكىنشى ديۆيزيوندا ءبىرىنشى ورىندى جەڭىپ الدى.

قازاقستان قۇراماسى ءوز توبىندا بولگاريا، جاڭا زەلانديا، بەلگيا، ەستونيا جانە يسلانديا كومانداسىمەن سىنعا ءتۇسىپ، قارسىلاستارىنىڭ ءبارىن ۇتتى. قۇراما كوماندا توپتاعى العاشقى ماتچتا بولگاريانى 8:1، ودان كەيىن جاڭا زەلانديانى 7:1، بەلگيانى 5:3، ەستونيانى 8:0، يسلانديانى 7:0 ەسەبىمەن ويسىراتا جەڭدى. قازاقستان قۇراماسى سوڭعى ويىندا يسلانديامەن ءبىرىنشى ورىن ءۇشىن كۇش سىناستى.

قورىتىندى ويىن كەستەسىندە قازاقستان حوككەيشىلەر 15 ۇپايمەن ءبىرىنشى ورىن الدى. ودان كەيىنگى ورىندارداعى بەلگيا – 11، يسلانديا – 9، جاڭا زەلانديا – 6، بولگاريا 4 ۇپاي العان بولسا، ەستونيا ۇپاي جيناعان جوق.

وسىلايشا وتانداستارىمىز ەكىنشى ديۆيزيوننىڭ ا توبىندا سىنعا تۇسۋگە مۇمكىندىك الدى.

داستان كەنجالين،

استانا