Stadıon salynýǵa tıis jer segiz jyldan beri bos jatyr

Munaıly aýdany Basqudyq aýylyndaǵy balalar jáne jasóspirimder sport mektebiniń stadıony salynýǵa tıis ýchaske segiz jyldan beri bos jatyr.

Mańǵystaý oblysynyń ákimi Nurlan Noǵaev pen aýdan ákimi Erjan Kúmisqalıev ol jerde bir jarym jyldan beri qoqys konteınerleri men elektr baǵanalary jatqanyn bile me eken? Bul – balalar úshin qaýipti ári zııan. Al ákimderimiz óz balalary barmaıtyn jer bolǵasyn, basyn aýyrtqysy kelmeıtin sııaqty.

Memleket basshysy Qasym-Jomart Toqaev: «Azamattardyń salaýatty ómir salty – salamatty ult qalyptastyrýdyń negizgi sharty. Sondyqtan buqaralyq jáne balalar sportyna erekshe nazar aýdarýymyz qajet. Bul strategııalyq mańyzy bar basym mindet», – degen edi.

Basqudyq aýyly ákimdiginiń janynan ótip bara jatsańyz, qarama qarsy turǵan aýlaǵa nazar salyńyz. Syrttan qaraǵan adam myna jerde bir mekeme bar shyǵar dep oılap qalady. Biraq aýlanyń ishinde qoqys konteınerleri men elektr baǵanalary ǵana jatyr. Bir jarym jyldan beri janynda balalar aınala júgiredi, fýtbol oınaıdy. Sonda olardyń qaýipsizdigine kim jaýap beredi?

Angardyń ishi tar. Sport mektebiniń aýlasyna fýtbol, voleıbol, úlken tennıs pen monsha, jataqana salynýy kerek. Segiz jyldan beri aýdandyq mádenıet jáne sport bóliminiń basshysy bolyp otyrǵan Esenbaı Qulı nege osy jospardy iske asyrmaıdy? Ol tipti, aýdanymyzdyń jattyqtyrýshylarymen kezdesip, jınalys ta ótkizbegen.

О́tken jyldyń sońynda Basqudyq balalar-jasóspirimder sport mektebi «Jyl qorytyndysyn» uıymdastyryp, jetistikke jetken sportshylar men jattyqtyrýshylardy marapattady. Sonda aýdandyq mádenıet jáne sport bóliminiń jumysyn Basqudyq sport mektebiniń basshysy О́tegen Sabytaev uıymdastyrdy. Buǵan sport mektebiniń orynbasary Súndet Rızbaev pen ádisker-nusqaýshy Nurbol Ýtesınov bir aptadaı daıyndalyp, atsalysty. Sonda baıqaǵanym, aýdandyq mádenıet jáne sport bólimine jańa basshy kerek eken. Iaǵnı, Munaıly aýdanynyń sport salasy úlken ózgeristerdi kútedi.

Bizder «Jańa Qazaqstandy» Astana men oblys ortalyqtarynda ǵana emes, aýdan-aýyldarda túgel sezingimiz keledi.

Aıbek MUHANOV,

Qazaqstan Jýrnalıster Odaǵynyń múshesi

Mańǵystaý oblysy,

 Aqtaý qalasy.