ءبىزدىڭ بوكسشىلار قازاقتاردان مىقتى – وزبەكستاننىڭ وليمپيادا چەمپيونى مالىمدەمە جاسادى

توكيو وليمپياداسىنىڭ چەمپيونى باحودير جالولوۆ وزبەكستاننىڭ باق-تارىنا بەرگەن سۇحباتىندا قازاقستان مەن وزبەكستان بوكسىن سالىستىرىپ، قاي ەلدىڭ شارشى الاڭدا مىقتى ەكەنىن ايتتى.  

بوكسشى تاياۋدا تايلاندتا وتكەن 22 جاسقا دەيىنگى سپورتشىلار اراسىنداعى ازيا چەمپيوناتىنىڭ وزبەكستاننىڭ جەكە جارىسىنا اينالعانىن اتاپ ءوتتى.

ازيا چەمپيوناتىندا ءبىزدىڭ ەلدىڭ بوكمسشىلارى 10 سالماق دارەجەسىندە بولعان ايقاستاردا 9 التىن مەدالدى جەڭىپ الدى. مۇنداي جاعداي تاريحتا بۇرىن-سوڭدى بولماعان. راس، بىلتىر الەم چەمپيوناتىندا قازاقستان بىزدەن كوبىرەك جۇلدە الدى. وندا بوكسشى ايەلدەردىڭ ناتيجەلەرى دە ەسەپكە الىندى. وسى تۇرعىدان العاندا ولار بىزدەن الدا بولدى. ال ايەلدەردى ەسەپتەمەگەندە ءبىز ارينە، ءىرى جارىستاردا قازاقستاننىڭ الدىن وراپ كەلەمىز. ءبىزدىڭ بوكس قازاق بوكسىنانمىقتى، –  دەدى ول.

سونىمەن بىرگە ول قازاق پەن وزبەك بوكسىنىڭ سپورتتىڭ باسقا تۇرلەرىندە سياقتى بۇرىننان باسەكەلەس بولىپ كەلە جاتقانىن، وزبەكستاننىڭ اۋەسقوي بوكستان الەم ۇزدىگى سانالاتىنىن ايتتى.

داستان كەنجالين،

استانا