Jasóspirimder shańǵymen tuǵyrdan sekirýden Olımpıadaǵa joldama aldy

Almatyda IV qysqy Jastar sport oıyndary bolyp jatyr. Búgin Alataý bókterindegi qalada shańǵymen tuǵyrdan sekirýden úzdik jasóspirimder anyqtalyp, marapattaldy. Bul týraly Mádenıet jáne sport mınıstrliginiń Sportty damytý dırekııasy habarlady.

Sońǵy jarys kúni aralas komandalyq synda (2 qyz ben 2 ul, — red.) Almaty qalasynyń birinshi komandasy aıtarlyqtaı basymdyqpen jeńiske jetti. Odan keıingi orynǵa Almaty-2 komandasy men Shyǵys Qazaqstan oblysynyń sportshylary ıe boldy.

Jalpy esepte Almaty qalasy jeke-dara top jardy. Shyǵys Qazaqstan oblysy ekinshi oryn alsa, Almaty oblysy úzdik úshtikti túıindedi.

Barlyǵy «Suńqar» halyqaralyq shańǵy tramplınder kesheninde 4 óńirdiń (Almaty qalasy, ShQO, Jetisý jáne Almaty oblysy, — red.) 100-den astam sportshysy 5 jas sanatyna bólinip, synǵa tústi. Olar jekeleı synda K-20 (12 jas), K-40 (13-15 jas), K-60 (14-16 jas), K-95 (17-20 jas) tuǵyrynan sekirse, komandalyq báseke K-90 tramplıninde boldy.

Jarys ózime qatty unady. Qıyn boldy dep aıta almaımyn. Dese de tartys sońyna deıin sozyldy. Shańǵymen tuǵyrdan sekirýge 6 jasymda kelgenmin. Bıyl osy sportpen aınalysqanyma 10 jyl bolady. Kýmırim –Danıl Vasılev. Jaqyn arada onymen birge jattyǵyp, birge óner kórsetýdi qalaımyn,-dedi úsh altyn medal (jekeleı jáne komandalyq) jeńip alǵan almatylyq Ilıa Mızernyh.

Endi Almatyda kerlıngshilerdiń jarysy bolyp jatyr. Barlyǵy eki qala men segiz oblystan kelgen komanda (200-ge tarta jas sportshy) eki topqa bólingen. Jeńimpaz ben júldegerler 12 aqpanda belgili bolady.

Jalpy, bıylǵy jarysta 11 sport túrinen úzdikter anyqtalady. Barlyq básekeden soń ár sport túrinen elimizdiń jastar quramasy jasaqtalyp, aldaǵy halyqaralyq resmı jarystarǵa, onyń ishinde 2024 jyly Ońtústik Koreıanyń Kanvondo qalasynda ótetin qysqy Jasóspirimder Olımpıadasyna baratyn sportshylardy anyqtalady. Sondaı-aq 2026 jylǵy Italııanyń Mılan qalasynda ótetin Olımpııa oıyndaryna daıyndalýǵa qatysatyn sportshylar irikteledi.

Oıyndardyń saltanatty ashylýy 23 aqpan kúni Pavlodar qalasynda saǵat 14.00-de, al jabylý rásimi  8 sáýirde saǵat 14.00-de Astana qalasynda bolady.

Bıylǵy Jastar sport oınydarynyń jeńimpazdar kelesi jyly Ońtústik Koreıanyń Kanvondo qalasynda ótetin qysqy Jasóspirimder Olımpıadasyna barady.

Shamken BAIYRBEK,

ALMATY

Foto: Mádenıet jáne sport mınıstrliginiń Sportty damytý dırekııasy