Túrkııadan tikeleı efır: Qazaqstan qutqarýshylary bir otbasyn aman alyp shyqty (FOTO, VIDEO)

Túrkııanyń Gazıantep qalasynda jer silkinisinen zardap shekenderdi qutqarý jumystarynan  jýrnalıst Baqytjan Omar tikeleı efır berip jatyr.

Onyń aıtýynsha, ázirshe Qazaqstannan kelgen qutqarýshylar úsh adamdy aman alyp shyqty. Úsheýi de bir otbasynyń adamdary. Zilzaladan er adam eki balasymen aman qalǵan. Al onyń zaıybynyń taǵdyry ázirshe belgisiz.

6 aqpan kúni Túrkııanyń ortalyǵy men ońtústik-shyǵysynda, Sırııamen shekaralas jerde jergilikti ýaqyt boıynsha saǵat 04.17-de 7,8 baldyq joıqyn jer silkinisi bolǵan. Sońǵy málimetke qaraǵanda, Kahramanmarashtaǵy jer silkinisinen 12 391 adam qaza taýyp, 62 914 adam jaraqat aldy.

Jer silkinisi Gazıantep mańynda 17,9 shaqyrym tereńdikte tirkelgen. Zilzala sońynan júzdegen aftershok qaıtalandy. Jerasty dúmpýi eldiń 10 provınııasy men kórshiles elderde sezildi. Sonyń ishinde Sırııada zilzala Túrkııadan keıin qatty boldy. Bul elde kem degende 2,5 myńnan astam adam kóz jumyp, 4,6 myń adam jaraqat aldy.

Dastan KENJALIN,

ASTANA

FOTO: AFP 2023 / ADEM ALTAN