SportPress.kz قازاقستان سپورت جاڭالىقتارى
2030 جىلعى قىسقى وليمپييا ويىندارى شۆەتسيادا بولۋى مۇمكىن. بۇل ءۇشىن شۆەتسيانىڭ وليمپيادا كوميتەتى ساراپشىلاردىڭ جازعا دەيىن ەلدىڭ وليمپيادا جانە پاراليمپيادا ويىندارىن وتكىزۋ مۇمكىندىگىن زەرتتەيتىنىن مالىمدەدى.
شۆەتسيا وليمپيادا كوميتەتى توراعاسىنىڭ مىندەتىن اتقارۋشى اندەرس لارسسوننىڭ ايتۋىنشا، وليمپيادا جانە پاراليمپيادا ويىندارىن وتكىزۋ تۋرالى ماسەلە قاراستىرىلىپ جاتىر. ەگەر ساراپشىلار ءبىر كەلىسىمگە كەلسە، ءتورت جىلدا ءبىر رەت وتەتىن دۇرمەكتى دودالاردى وتكىزۋگە بولادى.
ءبىزدىڭ ەلدە ءىرى قىسقى جارىستاردى ۇيىمداستىرىپ، وتكىزۋ ءۇشىن مۇمكىندىكتىڭ ءبارى بار. سپورت ارەنالارى جەتەدى، — دەدى ول.
شۆەتسيانىڭ استاناسى ستوكگولم قالاسىندا 1912 جىلى قىسقى وليمپيا ويىندارى بولعان ەدى. ودان كەيىن دە 2026 جىلعى سكانديناۆيا ەلى اق ويىنداردى وتكىزۋ ءۇشىن ءوتىنىم دە بەرىپ كورگەن. الايدا 2026 جىلعى وليمپيادانىڭ جالاۋى يتاليادا كوتەرىلەتىن بولىپ شەشىلدى.
2030 جىلعى قىسقى ويىنداردى وتكىزۋگە ازىرگە شۆەتسيادان باسقا جاپونيانىڭ ساپپورو قالاسى مەن اقش-تىڭ سولت-لەيك ءسيتيى ءوتىنىم بەرىپ وتىر.
داستان كەنجالين،
استانا
