قازاقستان تەننيسشىلەرى ازيا رەيتينگىندە ۇزدىك وندىقتا ءجۇر

ازيا تەننيس فەدەراتسياسى (ATF) مەن Tennis Europe 14 جانە 16 جاسقا دەيىنگىلەر اراسىندا جاڭارتىلعان رەيتينگىنى جاريالادى.

قازاقستان تەننيس فەدەراتسياسىنىڭ حابارلاۋىنشا، ەۋروپا رەيتينگىندە 14 جاسقا دەيىنگىلەر اراسىندا ياروسلاۆ پشەنيچنىي 64-ورىنعا شىقتى. ميحايل ميششەنكو 114-ءشى، روبەرت كامينسكي 139-ساتىعا ورنالاستى.

قىزدار اراسىندا ەۆا كورىشەۆا 59-ورىنعا كوتەرىلدى. توميريس نۇرجان — 173، ەركەجان جاڭاتاەۆا 183-ساتىدا كەلەدى.

ازيا رەيتينگىندە 16 جاسقا دەيىنگىلەر اراسىندا كارىم تەمىرلان كوش باستاپ كەلەدى.

قىزداردان بەس تەننيسشى توپ-10-عا كىردى. سافينا سافيۋلينا — 2، اريانا گوگۋلينا — 4، دانايا امانعاجيەۆا — 7، پولينا سلەپتسوۆا — 8 جانە ەركەجان جاڭاتاەۆا 9-ورىندا تۇر.

داستان كەنجالين،

استانا