ەلدور شومۋرادوۆ ورتالىق ازياداعى ەڭ قىمبات فۋتبولشى اتاندى

گەرمانيانىڭ Transfermarkt پورتالى ورتالىق ازيانىڭ ەڭ قىمبات ويىنشىلارىنىڭ رەيتينگىن جاسادى.

فۋتبولشىلاردىڭ كەلىسىمشارتى مەن ترانسفەر قۇنى تۋرالى اقپاراتتى انىقتاۋعا بەيىمدەلگەن پورتالدىڭ دەرەگىنە قاراعاندا، وزبەكستاننىڭ ۇلتتىق قۇراماسى مەن يتاليانىڭ «ا» سەرياسىنىڭ «سپەتسيا» كلۋبىنىڭ شابۋىلشىسى ەلدور شومۋرادوۆ ورتالىق ازيانىڭ ەڭ قىمبات ويىنشىسى دەپ تانىلدى. ونىڭ ترانسفەرلىك قۇنى 7 ملن ەۋروعا باعالانعان.

ەكىنشى ورىندى قازاقستان قۇراماسى مەن  ماسكەۋدىڭ تسسكا كلۋبىنىڭ جارتىلاي قورعاۋشىسى باحتيەر زاينۋتدينوۆ يەلەندى. ءۇشىنشى ورىنعا ساۋديالىق «ان-ناسر» كومانداسى ساپىنداعى وزبەكستاندىق جالاليددين ماشاريپوۆ يە بولدى.

ورتالىق ازيانىڭ ەڭ قىمبات 10 ويىنشىسى:

ەلدور شومۋرادوۆ (وزبەكستان/ «سپەتسيا»، يتاليا) – 7 ملن ەۋرو;

باحتيەر زاينۋتدينوۆ (قازاقستان/تسسكا، رەسەي) – 5 ملن;

جالوليددين ماشاريپوۆ (وزبەكستان/ «ان-ناسر»، ساۋد ارابياسى) – 2،5 ملن;

ازيز گانيەۆ (وزبەكستان/شاباب «ال-احلي»، ەگيپەت) – 2 ملن;

اتابەك شۋكۋروۆ (وزبەكستان/ «فاتيح كاراگۋمرۋك»، تۇركيا) – 2 ملن;

يگور سەرگەەۆ (وزبەكستان/«توبىل»، قازاقستان) – 1،4 ملن;

ءنۋرالى ءالىپ (قازاقستان/«زەنيت»، رەسەي) – 1،2 ملن;

الەكساندر مەركەل (قازاقستان/«گازيانتەپ»، تۇركيا) – 1 ملن;

مارات بيستروۆ (قازاقستان/«احمات»، رەسەي) – 1 ملن;

يبراحيمحاليل يۋلدوشەۆ (وزبەكستان/«نيجني نوۆگورود»، رەسەي) – 900 مىڭ ەۋرو.

قىرعىزستان قۇراماسىنىڭ ەڭ قىمبات ويىنشىسى ۆالەري كيچين ( «ەنيسەي»، رەسەي) – 750 مىڭ ەۋرو.

تۇركىمەنستان قۇراماسىنىڭ ەڭ قىمبات ويىنشىسى رۋسلان مينگازوۆ («كيتچي»، سيانگان، قىتاي) – 550 مىڭ ەۋرو.

داستان كەنجالين،

استانا