تەننيستەن العاش رەت مۇگەدەكتەر اراسىندا قازاقستان كۋبوگى وتەدى

17-19 ناۋرىزدا الماتى قالاسىندا العاش رەت تەننيستەن مۇگەدەكتەر اراسىندا قازاقستان كۋبوگى ءۇشىن تۋرنير وتەدى.

وعان الماتى، استانا، قاراعاندى، اقتاۋ، اقتوبە جانە ورال قالاسىنان 40-تان استام مۇگەدەك ارباسىندا وتىرعان سپورتشى قاتىسادى.

تۋرنير باستالماس بۇرىن الماتىدا 6-16 ناۋرىز ارالىعىندا تەننيسشىلەردىڭ شەبەرلىگىن ارتتىرۋعا ارنالعان وقۋ-جاتتىعۋ جيىنى وتەدى.

جارىستىڭ قورىتىندىسى بويىنشا بيىلعى ماۋسىم ايىندا يتاليادا «Alghero Open» حالىقارالىق تۋرنيرىندە ەل نامىسىن قورعايتىن سپورتشىلار انىقتالادى.

قاجەتتى ۇپايدى جيناعان جاعدايدا پاراتەننيسشىلەر 23 قىركۇيەك – 8 قازان ارالىعىندا حانچجوۋدا (قىتاي) بولاتىن پارازيا ويىندارىنا قاتىسۋعا مۇمكىندىك الادى.

داستان كەنجالين،

استانا