Tennısten alǵash ret múgedekter arasynda Qazaqstan kýbogy ótedi

17-19 naýryzda Almaty qalasynda alǵash ret tennısten múgedekter arasynda Qazaqstan kýbogy úshin týrnır ótedi.

Oǵan Almaty, Astana, Qaraǵandy, Aqtaý, Aqtóbe jáne Oral qalasynan 40-tan astam múgedek arbasynda otyrǵan sportshy qatysady.

Týrnır bastalmas buryn Almatyda 6-16 naýryz aralyǵynda tennısshilerdiń sheberligin arttyrýǵa arnalǵan oqý-jattyǵý jıyny ótedi.

Jarystyń qorytyndysy boıynsha bıylǵy maýsym aıynda Italııada «Alghero Open» halyqaralyq týrnırinde el namysyn qorǵaıtyn sportshylar anyqtalady.

Qajetti upaıdy jınaǵan jaǵdaıda paratennısshiler 23 qyrkúıek – 8 qazan aralyǵynda Hanchjoýda (Qytaı) bolatyn Parazııa oıyndaryna qatysýǵa múmkindik alady.

Dastan KENJALIN,

ASTANA