SportPress.kz قازاقستان سپورت جاڭالىقتارى
ستەند اتۋدان كۋۆەيتتە ءوتىپ جاتقان ازيا كۋبوگى ءۇشىن تۋرنيردە ەلىمىزدىڭ بەس سپورتشىسى مەدال جەڭىپ الدى. بۇل تۋرالى مادەنيەت جانە سپورت ءمينيسترى اسحات ورالوۆ Facebook-تەگى پاراقشاسىنا جازدى.
قۋانىشتى جاڭالىق! قازاقستاندىق مەرگەندەر كەزەكتى رەت ەڭ بەدەلدى حالىقارالىق جارىستا ەلىمىزدىڭ نامىسىن ابىرويمەن قورعاپ، لايىقتى ونەر كورسەتتى. ستەند اتۋدان كۋۆەيتتە ءوتىپ جاتقان ازيا كۋبوگىندا ءبىزدىڭ سپورتشىلار ەكى التىن، ءبىر كۇمىس جانە ەكى قولا جۇلدەنى جەڭىپ الدى. بارلىق جۇلدەنى «سكيت» جاتتىعۋىندا – دوڭگەلەك ستەندتە اتۋدان جەڭىپ الدى، — دەپ جازدى ول.
ونىڭ ايتۋىنشا، شىمكەنت قالاسىنىڭ مەرگەنى ولگا پانارينا جەكەلەي جانە اسەم ورىنباي، زويا كراۆچەنكو سىندى سپورتشىلاردان جاساقتالعان قۇراما كوماندالىق جارىستا التىن مەدال الدى. ەدۋارد ەششەنكو، يۋنۋس ماچجون مەن ارتەم سەدەلنيكوۆ باستاعان ەرلەر قۇراماسى كۇمىس جۇلدەگە يە بولدى. بۇل جولى اسەم ورىنباي مەن ەدۋارد ەششەنكو قولا مەدالدى يەلەندى.
قازاقستان سپورتشىلارىنىڭ سوڭعى جەتىستىكتەرى (مىسالى، الەم كۋبوگىنىڭ جالپى مەدالدىق ەسەبىندە ءبىرىنشى ورىن) كەزدەيسوقتىق ەمەس ەكەنىن تاعى دا كورسەتەدى. بۇل – پاريج وليمپياداسى قارساڭىنداعى ءسوزسىز زور قۋانىش. تۋرنير بارىسىندا ءبىزدىڭ مەرگەندەر جەڭىس تۇعىرىنا تاعى بىرنەشە رەت كوتەرىلەتىنىنە سەنىمدىمىن!، – دەدى مينيستر.
سونداي-اق ول سپورتشىلارعا ساتتىلىك تىلەپ، بارلىق جانكۇيەرلەردى ازيا كۋبوگىنىڭ ءساتتى باستالۋىمەن قۇتتىقتادى.
دينارا امانتاي،
استانا
