Stend atý: Qazaqstan mergenderi Azııa kýbogynda bes medal jeńip aldy

Stend atýdan Kýveıtte ótip jatqan Azııa kýbogy úshin týrnırde elimizdiń bes sportshysy medal jeńip aldy. Bul týraly Mádenıet jáne sport mınıstri Ashat Oralov Facebook-tegi paraqshasyna jazdy.

Qýanyshty jańalyq! Qazaqstandyq mergender kezekti ret eń bedeldi halyqaralyq jarysta elimizdiń namysyn abyroımen qorǵap, laıyqty óner kórsetti. Stend atýdan Kýveıtte ótip jatqan Azııa kýbogynda bizdiń sportshylar  eki altyn, bir kúmis jáne eki qola júldeni jeńip aldy. Barlyq júldeni «skıt» jattyǵýynda – dóńgelek stendte atýdan jeńip aldy, — dep jazdy ol.

Onyń aıtýynsha, Shymkent qalasynyń mergeni Olga Panarına jekeleı jáne Ásem Orynbaı, Zoıa Kravchenko syndy sportshylardan jasaqtalǵan qurama komandalyq jarysta altyn medal aldy. Edýard Eщenko, Iýnýs Machjon men Artem Sedelnıkov bastaǵan erler quramasy kúmis júldege ıe boldy. Bul joly Ásem Orynbaı men Edýard Eщenko qola medaldi ıelendi.

Qazaqstan sportshylarynyń sońǵy jetistikteri (mysaly, Álem kýbogynyń jalpy medaldyq esebinde birinshi oryn) kezdeısoqtyq emes ekenin taǵy da kórsetedi. Bul – Parıj Olımpıadasy qarsańyndaǵy sózsiz zor qýanysh. Týrnır barysynda bizdiń mergender jeńis tuǵyryna taǵy birneshe ret kóteriletinine senimdimin!,  – dedi mınıstr.

Sondaı-aq ol sportshylarǵa sáttilik tilep, barlyq jankúıerlerdi Azııa kýbogynyń sátti bastalýymen quttyqtady.

Dınara AMANTAI,

ASTANA