Argentınalyq fýtbolshylar men jankúıerler jyl úzdikteri atandy

Franııanyń astanasy — Parıj qalasynda The Best FIFA syılyǵyn tabys etý rásimi boldy.  

Saltanatty is-sharada Halyqaralyq fýtbol federaııasynyń (FIFA) sheshimimen Argentına ulttyq quramasy men Franııanyń «Parı Sen-Jermen» klýbynyń shabýylshy Lıonel Messıge, 2022 jyldyń úzdik oıynshysy ataǵy berildi. Sonymen birge Argentınanyń bas jattyqtyrýshysy  Lıonel Skalonı jyldyń úzdik bapkeri dep tanylsa, osy eldiń qurama komandasy men Anglııanyń «Aston Vılla» klýbynyń qaqpashysy Emılano Martınes jyldyń úzdik qaqpashysy atandy.

Úzdikterdiń qataryna Argentına eliniń jankúıerleri de qosyldy. Bul memlekettiń halqy byltyrǵy jyldyń úzdik jankúıerleri boldy.

Lıonel Messı byltyr Katarda ótken álem chempıonatynda Argentına quramasymen birge álem chempıony ataǵy men Fınalıssımany jeńip aldy. Ol «PSJ» sapynda Franııa chempıony bolyp, osy eldiń Sýperkýbogynyń ıegeri de atandy.

Buǵan deıin Messı 2019 jyldyń úzdik oıynshysy atanǵan bolatyn. Jyldyń úzdik fýtbolshysy atanýǵa Kılıan Mbappe men Karım Benzema da úmitker boldy.

Martınes Argentına quramasynyń sapynda álem chempıony atanyp, mýndıaldyń úzdik qaqpashysy dep tanyldy. Ol fınalda Franııa oıynshylarynyń matchtan sońynda tepken bir penaltıin qaıtardy. Onymen birge bul syılyqqa «Real» jáne Belgııa quramasynyń qaqpashysy Tıbo Kýrtýa men «Sevılıa» jáne  Marokko quramasynyń qaqpashysy Iassın Bono talasty.

Argentına ulttyq quramasynyń bas jattyqtyrýshysy Lıonel Skalonı Katarda ótken álem chempıonatynda komandany jeńiske bastap apardy. Skalonı ulttyq quramamen jasalǵan kelisimshartyn 2026 jylǵa deıin uzartty.

Argentınanyń jankúıerleri bolsa, ulttyq qurama álem chempıony atanǵannan keıin óz elderinde otandastarynyń jeńisin uzaq ýaqyt toılap, barsha jankúıerge ulttyq quramaǵa bolysýdyń úlgisin kórsetti.

Áıelder arasyndaǵy jyldyń úzdik oıynshysy ataǵy «Barselona» men Ispanııa quramasynyń jartylaı qorǵaýshysy Alekchııa Pýtelıasǵa berildi. Ol ótken jyly komandasymen birge Ispanııa chempıonaty men Sýperkýbogyn jeńip alyp, Patshaıym kýbogynyń ıegeri atanǵan.

Marapattaý saltanatynda FIFA jaqynda qaıtys bolǵan fýtbol koroli Peleniń qurmetine «Máńgilikke eń úzdik» syılyǵyn taǵaıyndady. Syılyq úsh dúrkin álem chempıonynyń úshinshi áıeline Marsııa Aokı berildi. Al júldeni Brazılııa ulttyq quramasynyń eks-shabýylshysy Ronaldo tabys etti.

Dastan KENJALIN,

ASTANA