Chery كولىگىنىڭ برەندى  — «استانا» فۋتبول كلۋبىنىڭ دەمەۋشىسى (فوتو)

بۇگىن  «استانا ارەنا» ستاديونىندا سالتاناتتى جاعدايدا «استانا» فۋتبول كلۋبى مەن قازاقستانداعى Chery رەسمي ديستريبيۋتورى – «استانا موتورس» قۇرامىنا كىرەتىن First Motor Group كومپانياسىنىڭ اراسىندا سەرىكتەستىك تۋرالى كەلىسىمگە قول قويۋ ءراسىمى ءوتتى.

Chery كونتسەرنىنىڭ جەر-جۇزىندەگى باستامالارىنىڭ ءبىرى — سپورت كوماندالارمەن سەرىكتەستىك ورناتۋ. بۇعان دەيىن برەندتىڭ وڭىرلىك وكىلدىكتەرى برازياليانىڭ «سانتوس»، ەكۆادوردىڭ «يندەپەندەنتە دەل ۆالە»، ءچيليدىڭ «ۋنيۆەرسيداد كاتوليكا» كلۋبىمەن جانە رەسەيدىڭ «سپارتاك» كلۋبىمەن كەلىسىمشارتتارعا قول قويعان بولاتىن.

2022 جىلى برەند كاتاردا فۋتبولدان وتكەن الەم چەمپيوناتىنىڭ اۆتوكولىك سەرىكتەسى بولدى.

«استانا» فۋتبول كلۋبىنىڭ باس ديرەكتورى ارسلان بەسپاەۆ ءوزىنىڭ قۇتتىقتاۋ سوزىندە جاڭا سەرىكتەستىكتەن نە كۇتەتىنى ايتتى.

ءبىزدىڭ جىگىتتەر – ناعىز جاۋىنگەرلەر، ەش ايانباي جۇمىس ىستەيدى. الايدا جاقسى ناتيجە تەك جەكە ادامنىڭ كۇش-جىگەرىن عانا ەمەس، قارجىلىق قولداۋدى قاجەت ەتەدى. بەدەلدى كونتسەرنمەن ىنتىماقتاستىق ورناتۋ كومانداعا كۇش-جىگەر، كۇش-قۋات بەرەتىنىنە سەنەمىن، — دەدى ول.

قول قويىلعان كەلىسىمنىڭ اياسىندا تاراپتار ءبىر-ءبىرىن اقپاراتتىق جانە يميدجدىك تۇرعىدا قولداۋ ماقساتىندا «استانا» فۋتبول كلۋبىنىڭ جارعىلىق قىزمەتىن 100 ملن تەڭگەگە قارجىلاندىرۋ تۋرالى كەلىستى.

First Motor Group ديرەكتورى نۇرلان شامگونوۆ سويلەگەن سوزىندە: «سپورتقا قولداۋ كورسەتۋ – برەندتىڭ الەۋمەتتىك ساياساتىنىڭ ماڭىزدى بولىگى. سپورت بارلىق ەلدەردى بىرىكتىرىپ، باسەكەلەستىك رۋحىن بەرەدى. بۇل Chery كونتسەرنىنىڭ دە، ونىڭ ەنشىلەس كومپانياسى — «استانا موتورس» كومپانياسىنىڭ دا قۇندىلىقتارىنا سايكەس كەلەدى»، – دەپ اتاپ ءوتتى.

First Motor Group كومپانياسىنىڭ ماركەتينگ جونىندەگى ديرەكتورى ايگۇل تەمەشوۆا دا سپورتتىق باستاما جايىندا ءوز پىكىرىن ءبىلدىردى.

ءبىز بۇل ىنتىماقتاستىقتان ۇلكەن مۇمكىندىكتەردى كورىپ وتىرمىز. كەلىسىم بىزگە اۆتوكولىكتەردى جاقسى كورەتىن ادامدارعا سپورتتى دارىپتەۋىمىزگە، ويىنشىلاردى جۇلدىزعا اينالدىرۋعا، سونداي-اق، كلۋبتىڭ ۇلكەن اۋديتورياسىنا، ونىڭ جانكۇيەرلەرىنە Chery كولىكتەرىنىڭ ارتىقشىلىقتارى تۋرالى ايتىپ بەرۋگە كومەكتەسەدى، — دەدى ول.

Chery برەندىنىڭ قازاقستان نارىعىنا رەسمي تۇردە 2021 جىلى كەلگەنىن جانە قازىردىڭ وزىندە وتانداستارىمىزدىڭ جۇرەگىن جاۋلاپ قانا قويماي، سونداي-اق ەلىمىزدە ۇسىنىلعان قىتاي ەلىنىڭ باسقا برەندتەرىنىڭ ىشىندە نارىقتىڭ ەلەۋلى ۇلەسىن الىپ وتىرعانىن ايتا كەتكەن ءجون.

وسىلايشا، قابق (قازاقستاننىڭ اۆتوموبيل بيزنەسى قاۋىمداستىعى) رەسمي ستاتيستيكاسىنا ساي 2022 جىلى برەند 4،4 مىڭنان استام اۆتوكولىك ساتىپ، ەلىمىزدەگى اۆتوكولىك نارىعىنىڭ «قىتايلىق» سەگمەنتىندە 38 %-دى يەلەندى. قازاقستانداعى ەڭ تانىمال ۇزدىك 10 كولىك برەندىنىڭ ىشىندە التىنشى ورىنعا كوتەرىلدى.

بيىل كومپانيا ەلىمىزدە ەڭ كوپ ساتىلاتىن ۇزدىك 5 اۆتوكولىكتىڭ قاتارىنا كىرۋدى ماقسات ەتىپ وتىر.  قازاقستانداعى Chery ديستريبۋتسياسى بۇل باعىتتاعى العاشقى قادامدى 2022 جىلى جەلتوقسان ايىندا جاساپ، «ەرزي» مۇگەدەكتەر قاۋىمداستىعىنا جەتى ورىندىق Chery Tiggo 8 PRO كروسسوۆەرىن سىيلاعان بولاتىن.

 

«استانا موتورس» كومپانياسىنىڭ ءباسپاسوز قىزمەتى،

فوتو: «استانا موتورس» كومپانياسىنىڭ ءباسپاسوز قىزمەتى،