Chery kóliginiń brendi  — «Astana» fýtbol klýbynyń demeýshisi (FOTO)

Búgin  «Astana Arena» stadıonynda saltanatty jaǵdaıda «Astana» fýtbol klýby men Qazaqstandaǵy Chery resmı dıstrıbıýtory – «Astana Motors» quramyna kiretin First Motor Group kompanııasynyń arasynda seriktestik týraly kelisimge qol qoıý rásimi ótti.

Chery konerniniń jer-júzindegi bastamalarynyń biri — sport komandalarmen seriktestik ornatý. Buǵan deıin brendtiń óńirlik ókildikteri Brazııalııanyń «Santos», Ekvadordyń «Independente del Vale», Chılıdiń «Ýnıversıdad Katolıka» klýbymen jáne Reseıdiń «Spartak» klýbymen kelisimsharttarǵa qol qoıǵan bolatyn.

2022 jyly brend Katarda fýtboldan ótken álem chempıonatynyń avtokólik seriktesi boldy.

«Astana» fýtbol klýbynyń bas dırektory Arslan Bespaev óziniń quttyqtaý sózinde jańa seriktestikten ne kútetini aıtty.

Bizdiń jigitter – naǵyz jaýyngerler, esh aıanbaı jumys isteıdi. Alaıda jaqsy nátıje tek jeke adamnyń kúsh-jigerin ǵana emes, qarjylyq qoldaýdy qajet etedi. Bedeldi konernmen yntymaqtastyq ornatý komandaǵa kúsh-jiger, kúsh-qýat beretinine senemin, — dedi ol.

Qol qoıylǵan kelisimniń aıasynda taraptar bir-birin aqparattyq jáne ımıdjdik turǵyda qoldaý maqsatynda «Astana» fýtbol klýbynyń jarǵylyq qyzmetin 100 mln teńgege qarjylandyrý týraly kelisti.

First Motor Group dırektory Nurlan Shamgonov sóılegen sózinde: «Sportqa qoldaý kórsetý – brendtiń áleýmettik saıasatynyń mańyzdy bóligi. Sport barlyq elderdi biriktirip, básekelestik rýhyn beredi. Bul Chery konerniniń de, onyń enshiles kompanııasy — «Astana motors» kompanııasynyń da qundylyqtaryna sáıkes keledi», – dep atap ótti.

First Motor Group kompanııasynyń marketıng jónindegi dırektory Aıgúl Temeshova da sporttyq bastama jaıynda óz pikirin bildirdi.

Biz bul yntymaqtastyqtan úlken múmkindikterdi kórip otyrmyz. Kelisim bizge avtokólikterdi jaqsy kóretin adamdarǵa sportty dáripteýimizge, oıynshylardy juldyzǵa aınaldyrýǵa, sondaı-aq, klýbtyń úlken aýdıtorııasyna, onyń jankúıerlerine Chery kólikteriniń artyqshylyqtary týraly aıtyp berýge kómektesedi, — dedi ol.

Chery brendiniń Qazaqstan naryǵyna resmı túrde 2021 jyly kelgenin jáne qazirdiń ózinde otandastarymyzdyń júregin jaýlap qana qoımaı, sondaı-aq elimizde usynylǵan Qytaı eliniń basqa brendteriniń ishinde naryqtyń eleýli úlesin alyp otyrǵanyn aıta ketken jón.

Osylaısha, QABQ (Qazaqstannyń avtomobıl bıznesi qaýymdastyǵy) resmı statıstıkasyna saı 2022 jyly brend 4,4 myńnan astam avtokólik satyp, elimizdegi avtokólik naryǵynyń «qytaılyq» segmentinde 38 %-dy ıelendi. Qazaqstandaǵy eń tanymal úzdik 10 kólik brendiniń ishinde altynshy orynǵa kóterildi.

Bıyl kompanııa elimizde eń kóp satylatyn úzdik 5 avtokóliktiń qataryna kirýdi maqsat etip otyr.  Qazaqstandaǵy Chery dıstrıbýııasy bul baǵyttaǵy alǵashqy qadamdy 2022 jyly jeltoqsan aıynda jasap, «ERZI» múgedekter qaýymdastyǵyna jeti oryndyq Chery Tiggo 8 PRO krossoverin syılaǵan bolatyn.

 

«Astana Motors» kompanııasynyń baspasóz qyzmeti,

FOTO: «Astana Motors» kompanııasynyń baspasóz qyzmeti,