ەربول حاميتوۆ پارابياتلون بويىنشا الەم كۋبوگىنىڭ كۇمىس جۇلدەگەرى اتاندى

اقش-تىڭ سولت-لەيك-سيتيدە قالاسىنىڭ سولدات حوللوۋ شاڭعى بازاسىندا پاراشاڭعى جانە پارابياتلون بويىنشا ءوتىپ جاتقان الەم كۋبوگىنىڭ فينالدىق كەزەڭىندە ەربول حاميتوۆ پارابياتلوننان 12،5 شاقىرىم قاشىقتىقتا كۇمىس مەدال جەڭىپ الدى. بۇل تۋرالى مادەنيەت جانە سپورت مينيسترلىگىنىڭ «مۇمكىندىگى شەكتەۋلى جاندارعا ارنالعان سپورتتىق دايىندىق ورتالىعى» حابارلادى.

ەربول حاميتوۆ 12،5 قاشىقتىقتى 42 مينۋت 17 سەكۋندتا ءجۇرىپ ءوتىپ، اتىس شەپتەرىنەن بىردە-ءبىر رەت وتۋگە جول بەرمەدى. بۇل قاشىقتىقتى 41،21 سەكۋندتا باعىندىرىپ، ءبىرىنشى ورىندى ۋكراينالىق تاراس راد جەڭىپ الدى. ءۇشىنشى ورىن 42،18 ۇپايمەن ۋكراينالىق ۆاسيل كراۆچۋكقا بۇيىردى.

جارىسقا قازاقستاننان الەكساندر گەرليتس پەن ەربول حاميتوۆ قاتىسۋدا.

دينارا امانتاي،

استانا