فۋتبولدان ۇلتتىق قۇرامانىڭ جاڭا قۇرامى انىقتالدى

قازاقستان ۇلتتىق قۇراما كومانداسىنىڭ باس جاتتىقتىرۋشىسى ماگومەد اديەۆ 23 ناۋرىز جانە 26 ناۋرىز كۇندەرى 2024 جىلعى ەۋروپا چەمپيوناتىنىڭ ىرىكتەۋ تۋرنيرىندە سلوۆەنيا مەن دانيانىڭ قۇرامالارىمەن وتەتىن ماتچتارعا شاقىرتۋ العان ويىنشىلاردىڭ ءتىزىمىن جاريالادى.

جالپى تىزىمگە 32 فۋتبولشى ەندى.

قاقپاشىلار: يگور شاتسكي («شاحتەر»)، بەكحان شايزادا («ورداباسى»)، دانيل ۋستيمەنكو («قايرات»)، ستاس پوكاتيلوۆ («اقتوبە»);

قورعاۋشىلار: سەرگەي مالىي، تەمىرلان ەرلانوۆ، عافۋرجان سۇيىمباەۆ («ورداباسى»)، الەكساندر ماروچكين، باعدات قايىروۆ (ەكەۋى دە – «توبىل»)، نۇرالى ءالىپ («زەنيت»، رەسەي)، ابزال بەيسەبەكوۆ، ميحايل گابىشەۆ، تيمۋر دوسماعامبەتوۆ (بارلىعى – «استانا»)، تالعات كۋسياپوۆ («كاسپي»)، مارات بىستروۆ («احمات»، رەسەي)، يان ۆوروگوۆسكي («مولەنبەك»، بەلگيا)، لەۆ سكۆورتسوۆ («حيمكي»، رەسەي);

جارتىلاي قورعاۋشىلار: اسحات تاعىبەرگەن، باۋىرجان يسلامحان، ەلحان استانوۆ («ورداباسى»)، باقتيەر زاينۋتدينوۆ (تسسكا، رەسەي)، رامازان ورازوۆ («اقسۋ»)، يسلامبەك قۋات، اسلان داراباەۆ، («استانا»)، ماكسيم سامورودوۆ، ارمان كەڭەسوۆ («اقتوبە»)، يسلام چەسنوكوۆ («توبىل»);

شابۋىلشىلار: ابات ايىمبەتوۆ، ۆلاديسلاۆ پروكوپەنكو (ەكەۋى دە – «استانا»)، ارتۋر شۋشەناچەۆ («قايرات»)، ابىلايحان جۇمابەك («اقتوبە»)، ايبار جاقسىلىقوۆ («ورداباسى»);

جاتتىقتىرۋشىلار شتابى: ماگومەد اديەۆ – باس جاتتىقتىرۋشى، ەۆگەني كوسترۋب – باس جاتتىۇتتىرۋشىنىڭ كومەكشىسى، رۋسلان بالتيەۆ – باس جاتتىقتىرۋشىنىڭ كومەكشىسى، ۆالەري سيتالو – قاقپاشىلاردىڭ جاتتىقتىرۋشىسى، ەرلان يبرايم – دەنە دايارلىعى جاتتىقتىرۋشىسى، امال سىزدىقوۆ – ساراپشى جاتتىقتىرۋشى.

وقۋ-جاتتىعۋ جيىنى 16 ناۋرىزدا باستالادى. ويىنشىلاردىڭ ناقتى ءتىزىمى كەيىن بەلگىلى بولادى.

23 ناۋرىز كۇنى سلوۆەنيامەن بولاتىن ماتچ استانا ۋاقىتىمەن 21:00-دە باستالادى. ءۇش كۇننەن كەيىن ۇلتتىق قۇراما دانيامەن وينايدى. كەزدەسۋدىڭ باستالۋى 19:00-گە جوسپارلانعان. ەكى ماتچ تا «استانا ارەنا» ستاديونىندا وتەدى.

ويىنعا بيلەتتەردى Ticketon.kz سايتىنان ساتىپ الۋعا بولادى. بيلەتتەردىڭ باعاسى 1500 تەڭگەدەن باستالادى.

باق وكىلدەرى وسى سىلتەمەگە كىرىپ، ماتچتارعا تىركەلە الادى.

داستان كەنجالين،

استانا