Qysqy Olımpııalyq oıyndardyń boıtumary tańdaldy

2026 jyly Italııanyń Mılan men Kortına-d’Ampeo qalalarynda ótetin Qysqy Olımpııalyq oıyndardyń boıtumary aq jáne qońyr tústi dýlyǵaly aqkis (aq tyshqan) bolady.

Boıtumarlar jalpyhalyqtyq daýys berý arqyly tańdaldy. Olardy Italııanyń Katanzaro provınııasyndaǵy mektep oqýshylary salǵan. Aqkistiń biri aq paltoda, ekinshisi qońyr tústi. Boıtumarlarǵa jarııalanǵan konkýrsta halyqtyń 53%-y tyshqandar salynǵan sýretke daýys berdi. Ekinshi oryn Edelveıs gúline buıyrdy.

Tańdaýǵa Italııanyń 81 provınııasynan 681 synyp pen 82 mektepten barlyǵy 1600 ótinim qatysty.

Mılan men Kortına-d’Ampeodaǵy Olımpııalyq oıyndary 2026 jyldyń 6-22 aqpany aralyǵynda ótedi dep josparlanǵan. Paralımpııalyq oıyndar 6-15 naýryz aralyǵynda ótedi.

Dastan KENJALIN,

ASTANA