تورەشىنى بالاعاتتاعان فۋتبولشى ومىرباقي سپورتتان شەتتەتىلدى

سيريا فۋتبول قاۋىمداستىعى (SFA) ۇلتتىق قۇراما كوماندانىڭ بۇرىنعى كاپيتانى جانە «ءال-جايش» كلۋبىنىڭ قورعاۋشىسى احمەد ءال-ءساليحتى ماتچ كەزىندە تورەشىنى اياعىمەن تەۋىپ، بالاعاتاعانى ءۇشىن ومىرباقي سپورتتان شەتتەتتى.

Sportbox-ءتىڭ حابارلاۋىنشا، 3 ناۋرىزدا ءال-ساليح «ءال-جايش» پەن «ءال-ۆاتبا» كوماندالارىنىڭ ويىندا قىزىل قاعاز كورسەتكەنى ءۇشىن تورەشىمەن ۇستاسىپ قالعان. ويىنشى تورەشىنى اياعىمەن تەۋىپ، بەتىنە تۇكىرىپ، بالاعاتتاعان.

وسىعان بايلانىستى SFA احمەد ءال-ءساليحتى ومىرباقي فۋتبولدان شەتتەتتى.

فۋتبولشى سيريا قۇراماسى ساپىندا 54 ويىن وتكىزىپ، ەكى گول سالعان.

داستان كەنجالين،

استانا