قازاقستاندىق گيمناست الەم كۋبوگىنىڭ يەگەرى اتاندى

قازاقستاندىق گيمناست ميلاد كاريمي باكۋدە وتكەن كوركەم گيمناستيكادان الەم كۋبوگىندا التىن مەدال جەڭىپ الدى، دەپ حابارلادى Olympic.kz.

ەدەندەگى جاتتىعۋلار بويىنشا فينالدا وتانداسىمىز ۇزدىك ناتيجە كورسەتىپ، 14،200 ۇپاي جينادى. ميلادتىڭ ەكى اينالىمنان جاساعان تريۋكتارى كوپشىلىكتى ءتانتى ەتتى.

ەكىنشى ورىندى ۋكراينالىق يليا كوۆتۋن يەلەنسە، قولا جۇلدەنى اقش وكىلى رايلي لۋس جەڭىپ الدى.

ەسكە سالا كەتسەك، ازەربايجان استاناسىندا ءوتىپ جاتقان كوركەم گيمناستيكادان الەم كۋبوگىنىڭ كەزەڭى 9 ناۋرىزدا باستالعان ەدى. 32 ەلدىڭ سپورتشىلارى قاتىسىپ جاتقان بۇل ءدۇبىرلى دودا بۇگىن اياقتالادى.

ەركەعالي بەيسەنوۆ،

استانا