Qazaqstandyq gımnast Álem kýbogynyń ıegeri atandy

Qazaqstandyq gımnast Mılad Karımı Bakýde ótken kórkem gımnastıkadan álem kýbogynda altyn medal jeńip aldy, dep habarlady Olympic.kz.

Edendegi jattyǵýlar boıynsha fınalda otandasymyz úzdik nátıje kórsetip, 14,200 upaı jınady. Mıladtyń eki aınalymnan jasaǵan trıýktary kópshilikti tánti etti.

Ekinshi oryndy ýkraınalyq Ilıa Kovtýn ıelense, qola júldeni AQSh ókili Raılı Lýýs jeńip aldy.

Eske sala ketsek, Ázerbaıjan astanasynda ótip jatqan kórkem gımnastıkadan álem kýbogynyń kezeńi 9 naýryzda bastalǵan edi. 32 eldiń sportshylary qatysyp jatqan bul dúbirli doda búgin aıaqtalady.

Erkeǵalı BEISENOV,

ASTANA