Fýtboldan álem chempıonatyn ótkizý tártibi bekitildi

Halyqaralyq fýtbol federaııasynyń (FIFA) basshylyq keńesi 2026 jylǵy álem chempıonatynyń ótý tártibin bekitti.

FIFA-nyń habarlaýynsha, endi 2026 jyly AQSh; Kanada men Meksıkada ótetin álem chempıonatyna 48 eldiń ulttyq qurama komandalary qatysady. Mýndıaldyń toptyq týrnıri 72 matchtan turady. 12 toptyń árqaısysyna tórt quramadan bólinedi. Ár toptan eki qurama, sondaı-aq úshinshi oryn alǵandar arasynan 8 úzdik komanda 1/16 fınalǵa joldama alady. Jarysta barlyǵy 104 oıyn boldy.

Álem chempıonaty 56 kúnge sozylady. Fınal 2026 jylǵy 19 shildege belgilendi.

Atalǵan uıym osynshama memlekettiń komandalarynyń álemdik dodaǵa qatysatynyn 2017 jyly jarııalaǵan edi.

Buǵan deıin álem chempıonatyna  32 qurama qatysyp, 64 match oınalatyn edi.

Dastan KENJALIN,

ASTANA