SportPress.kz Qazaqstan sport jańalyqtary
Shymbulaq taý kýrorty álemdegi eń bıik jaryqtandyrylǵan túngi shańǵy trassasy retinde resmı túrde Gınnes rekordyn jańartty. Bul týraly QazAqparat habarlady.
Gınnes rekordtar keńsesiniń sýdıasy Sheıda Sýbashı-Gemıdjı taý shańǵysy kýrortynyń bas dırektory Rınat Ábdirahmanovqa álemdik rekordty rastaıtyn sertıfıkatty teńiz deńgeıinen 3 200 metr bıiktiktegi Talǵar asýy stanııasynda tabys etti.
Shymbulaq taýly kýrortynyń resmı túrde álemdegi eń bıik túngi shańǵy trassasy retinde Gınnes rekordyn ornatqanyn habarlaýǵa qýanyshtymyn. Bul – álemdegi jańa rekord, — dedi Sheıda Sýbashı-Gemıdjı.
Rınat Ábdirahmanov osydan 5 jyl buryn túnde shańǵy tebýge arnalǵan jol ashýdy armandaǵanyn, qazir sol oıy oryndalǵanyn alǵa tartty.
Saltanatty sharaǵa Mádenıet jáne sport mınıstri Ashat Oralov pen Almaty qalasy ákiminiń orynbasary Arman Qyryqbaev qatysty.
Bul – búkil el úshin úlken jetistik. Árıne, bizdiń áleýetimiz zor. Shymbulaq – elimizdegi týrızmdi damytýdyń negizgi dıstanııalarynyń biri. Jalpy, Mádenıet jáne sport mınıstrligi arqyly naqty qadamdar jasalyp jatyr. Jergilikti atqarýshy organdarmen, seriktestermen, bıznes-qaýymdastyqpen birlese otyryp, ınfraqurylym men týrızmdi damytamyz, — dedi Ashat Oralov.
Túngi shańǵy tebý 2021 jyldyń qarashasynda iske qosylǵan. О́tken qysqy maýsymda túngi shańǵymen 50 346 týrıst tirkelse, bıylǵy maýsymda 10%-ǵa kóbeıip, kelýshiler sany 55 486 jetken.
Erkeǵalı BEISENOV,
ASTANA
