رىباكينا مايامي تۋرنيرىندە العاش رەت جارتىلاي فينالعا شىقتى

تەننيسشى ەلەنا رىباكينا العاش رەت اقش-تا ءوتىپ جاتقان مايامي WTA 1000 ءتۋرنيرىنىڭ جارتىلاي فينالىنا شىقتى.

قازاقستاننىڭ ءبىرىنشى راكەتكاسى شيرەك فينالدا الەمنىڭ 24-راكەتكاسى، يتاليالىق مارتينا ترەۆيزانمەن كەزدەسىپ، ونى 1 ساعات 12 مينۋتتا 6:3، 6:0 ەسەبىمەن ۇتتى.

وسىلايشا، رىباكينا بيىل قاتارىنان 12 رەت جەڭىسكە جەتتى. ەندى ول فينالعا شىعۋ ءۇشىن الەمنىڭ ءۇشىنشى راكەتكاسى، امەريكالىق دجەسسيكا پەگۋلا نەمەسە رەيتينگتە 26-ورىندا تۇرعان  رەسەيلىك اناستاسيا پوتاپوۆانىڭ بىرەۋىمەن كەزدەسەدى.

داستان كەنجالين،

استانا