Almat Kebispaev qarsylasy qaı eldiń palýandary ekenin aıtty

7 sáýir kúni Astanada kúres túrlerinen Azııa chempıonaty bastalady. Oǵan palýan Almat Kebispaev qatysady.

Grek-rım kúresinen QR eńbek sińirgen sport sheberi. 2012 jyly London qalasynda ótken Olımpıadaǵa qatysýshy, Azııanyń eki dúrkin jáne bes márte álem chempıonatynyń júldegeri Almat Kebispaevpen habarlasyp shaǵyn suhbat aldyq.

«Elordamyzda ótetin Azııa qurlyǵynyń dodasyna da az kún qaldy. Jarysqa daıyndalyp jatyrmyz. Astanada chempıon atanyp, Qazaq elin qýantýǵa bar kúsh-jigerimdi salamyn. 67 kg salmaqta synǵa túsemin. Bul salmaqta Ońtústik Koreıa, Iran, О́zbekstan, Qyrǵystan, Úndistan memleketiniń palýandary basty qarsylasym bolady. Tórt kún buryn Jaqsylyq Úshkempirov atyndaǵy jekpe-jek saraıyna Qazaqstan kúres federaııasynyń prezıdenti Dáýlet Turlyhanov aǵamyz kelip, balýandarymen kezdesip sáttilik tiledi. Jaqsy kúresińder dep qoldaýyn bildirdi. Barymyzdy salamyz, jeńýge tyrysamyz!», — dedi ol.

Aıbek MUHANOV,

Mańǵystaý oblysy