قحل-دا قازاقستان قۇراماسىنىڭ قورعاۋشىسى توبەلەسىپ قالدى

حوككەيدەن گاگارين كۋبوگى ءتۋرنيرىنىڭ جارتىلاي فينالىندا قازاقستان ۇلتتىق قۇراماسىنىڭ ويىنشىسى، «اۆانگارد» كلۋبىنىڭ قورعاۋشىسى ۆيكتور سۆەدبەرگ پەن «اك بارس» كومانداسىنىڭ كاپيتانى الەكساندر رادۋلوۆ توبەلەسىپ قالدى.

Bassport.kz سايتىنىڭ مالىمەتىنە قاراعاندا، ماتچتىڭ ەكىنشى كەزەڭىندە رادۋلوۆ ويىن تاياعىمەن فەدور ءمالىحيندى بەلىنەن ۇرعان. ونى ۆيكتور سۆەدبەرگ بايقاپ، كوماندالاسىن قولداعىسى كەلىپ، رادۋلوۆپەن جاعا ۇستاسىپ قالعان. سودان كەيىن ولار توبەلەسكەن. وسى توبەلەس ءۇشىن رادۋلوۆ تا، سۆەدبەرگ تە 2 مينۋتتىق ايىپ ۋاقىتىن العان.

«اۆانگارد» پەن «اك بارس» كوماندالارىنىڭ اراسىنداعى ەكىنشى كەزدەسۋ 3:2 ەسەبىمەن ومبىلىق كلۋبتىڭ پايداسىنا شەشىلدى.

ۆيكتور سۆەدبەرگ – شۆەتسيانىڭ گەتەبورگ قالاسىندا تۋعان. 2018 – 2021 جىلدارى «بارىس» كلۋبىندا ويناعان.

داستان كەنجالين،

استانا