رىباكينا استاناداعى تۋرنيرگە قاتىسادى

قازاقستاننىڭ ءبىرىنشى جانە الەمنىڭ جەتىنشى راكەتكاسى ەلەنا رىباكينا 14-15 ساۋىردە تەننيستەن استانادا وتەتىن بيللي دجين كينگ كۋبوگى (Billie Jean King Cup) ءۇشىن ىرىكتەۋ كەزەڭىنە قاتىساتىن ۇلتتىق قۇرامانىڭ ساپىندا پولشا كومانداسىنىڭ تەننيسشىلەرىمەن كەزدەسەدى.

بۇل كەزدەسۋدە رىباكينامەن بىرگە يۋليا پۋتينتسەۆا، اننا دانيلينا، گوزال اينيتدينوۆا مەن جانەل رۇستەموۆا كۇش سىناسادى. قوسالقى قۇرامدا ارۋجان ساعىندىقوۆا بولادى.

قازاقستان تەننيس فەدەراتسياسىنىڭ حابارلاۋىنشا، بيللي دجين كينگ كۋبوگى  ۇلتتىق قۇراما تۇراقتى تۇردە قاتىساتىن ايەلدەر اراسىنداعى ەڭ ءىرى حالىقارالىق كوماندالىق تەننيس جارىسى.

بۇل ءتۋرنيردى حالىقارالىق تەننيس فەدەراتسياسى ۇيىمداستىرادى. 1963-2020 جىلدارى تۋرنير فەدەراتسيا كۋبوگى دەپ اتالدى (فەدەراتسيا كۋبوگى، 1995 جىلدان باستاپ فەدەراتسيا كۋبوگى)، 2020 جىلدىڭ قىركۇيەگىندە ول امەريكالىق تەننيسشى بيللي جان كينگتىڭ قۇرمەتىنە وزگەرتىلدى، — دەلىنگەن ماتەريالدا.

الەمدە ەرلەر اراسىندا وسى سياقتى تۋرنير دەۆيس كۋبوگى دەپ اتالادى.
تۋرنير وتكىزۋ يدەياسى 1919 جىلى حازەل حوتچكيسس-ۋايتمان حانىم ايەلدەر كوماندالىق جارىسىنىڭ تۇجىرىمداماسىن ۇسىنعان كەزدە پايدا بولدى. بىراق ۇسىنىس قولداۋ تاپپادى. سودان كەيىن سپورتشى 1923 جىلى سول كەزدەگى الەمدىك تەننيستە مىقتى كوماندالار بولعان اقش پەن ۇلىبريتانيا قۇرامالارىنىڭ جىل سايىنعى كەزدەسۋىنىڭ جەڭىمپازىنا سىيلىق بەرىپ وتىردى. ول تۋرنير ۋايتمان كۋبوگى دەپ اتالدى

ال 1960 جىلداردىڭ باسىندا ايەلدەر اراسىندا جارىس وتكىزۋ يدەياسىن اتى اڭىزعا اينالعان اۆستراليالىق تەننيسشى، دەۆيس كۋبوگى كومانداسىنىڭ كاپيتانى گارري حوپماننىڭ ايەلى نەلل حوپمان قولدادى. ءسويتىپ، تۋرنير العاش رەت 1963 جىلى لوندونداعى Queen’s كلۋبىندا حالىقارالىق تەننيس فەدەراتسياسىنىڭ 50 جىلدىعىنا وراي وتكىزىلدى. وعان اقش پەن ۇلىبريتانيا عانا ەمەس، كەز كەلگەن ەلدىڭ كوماندالارى قاتىسا الاتىن بولدى. كوپشىلىك اسىعا كۇتكەن تۋرنير وتە ءساتتى ءوتتى. سول كەزدەگى جارىسقا 16 كوماندا قاتىستى. وعان بۇكىل الەمدىك تەننيس ەليتاسى قاتىستى دەسە بولادى. اقش قۇراماسى العاشقى تۋرنيردە جەڭىسكە جەتتى.