استانادا كۇرەس تۇرلەرىنەن وتەتىن ازيا چەمپيوناتىنىڭ كەستەسى شىقتى

استانادا 9-14 ءساۋىر كۇندەرى جاقسىلىق ۇشكەمپىروۆ اتىنداعى جەكپە-جەك سارايىندا گرەك-ريم، ەركىن جانە ايەلدەر كۇرەسىنەن ەرەسەكتەر اراسىندا وتەتىن ازيا چەمپيوناتىنىڭ كەستەسى جاريالاندى.

استانا قالاسى اكىمدىگىنىڭ رەسمي سايتىنىڭ حابارلاۋىنشا، ازيا چەمپيوناتىنىڭ رەسمي اشىلۋى 9 ساۋىردە ساعات 17.00-دە باستالادى.

كۇن سايىن كۇندىزگى سەسسيا ساعات 11.00-دە (الدىن الا، جارتىلاي فينالدىق جانە جۇبانىش بەلدەسۋلەرى)، كەشكى سەسسيا 18.00-دە ء(بىرىنشى جانە ءۇشىنشى ورىندار ءۇشىن فينالدىق ويىندار) باستالادى.

ازيا چەمپيوناتىنىڭ باعدارلاماسى تومەندەگىدەي:

9 ءساۋىر – گرەك-ريم كۇرەسى – 55، 63، 77، 87 جانە 130 كەلىگە دەيىنگى سالماق دارەجەسى.

10 ءساۋىر – گرەك-ريم كۇرەسى – 60،67،72،82 جانە 97 كەلىگە دەيىنگى سالماق دارەجەسى.

11 ءساۋىر – ايەلدەر كۇرەسى – 50،55،59، 68 جانە 76 كەلىگە دەيىنگى سالماق دارەجەلەرى.

12 ءساۋىر – ايەلدەر كۇرەسى – 53،57،62،65 جانە 72 كەلىگە دەيىنگى سالماق دارەجەلەرى.

13 ءساۋىر – ەركىن كۇرەس – 57،65،70،79 جانە 96 كەلىگە دەيىنگى سالماق دارەجەسى.

14 ءساۋىر – ەركىن كۇرەس – 61، 74، 86، 92 جانە 125 كەلىگە دەيىنگى سالماق دارەجەلەرى.

كۇرەستىڭ ءار تۇرىنەن 10 مەدال جيىنتىعى وينالادى (بارلىعى 30 سالماق دارەجەسى).

ازيا چەمپيوناتى العاش رەت 1979 جىلى تەك ەركىن كۇرەستەن وتسە، ەكى جىلدان كەيىن گرەك-ريم كۇرەسىنىڭ بالۋاندارى سارى قۇرلىقتاعى مىقتىلاردى انىقتادى. ايەلدەر كۇرەسىنەن ازيا چەمپيوناتى 1996 جىلدان بەرى وتكىزىلىپ كەلەدى.

داستان كەنجالين،

استانا