Astanada kúres túrlerinen ótetin Azııa chempıonatynyń kestesi shyqty

Astanada 9-14 sáýir kúnderi Jaqsylyq Úshkempirov atyndaǵy jekpe-jek saraıynda grek-rım, erkin jáne áıelder kúresinen eresekter arasynda ótetin Azııa chempıonatynyń kestesi jarııalandy.

Astana qalasy ákimdiginiń resmı saıtynyń habarlaýynsha, Azııa chempıonatynyń resmı ashylýy 9 sáýirde saǵat 17.00-de bastalady.

Kún saıyn kúndizgi sessııa saǵat 11.00-de (aldyn ala, jartylaı fınaldyq jáne jubanysh beldesýleri), keshki sessııa 18.00-de (birinshi jáne úshinshi oryndar úshin fınaldyq oıyndar) bastalady.

Azııa chempıonatynyń baǵdarlamasy tómendegideı:

9 sáýir – grek-rım kúresi – 55, 63, 77, 87 jáne 130 kelige deıingi salmaq dárejesi.

10 sáýir – grek-rım kúresi – 60,67,72,82 jáne 97 kelige deıingi salmaq dárejesi.

11 sáýir – áıelder kúresi – 50,55,59, 68 jáne 76 kelige deıingi salmaq dárejeleri.

12 sáýir – áıelder kúresi – 53,57,62,65 jáne 72 kelige deıingi salmaq dárejeleri.

13 sáýir – erkin kúres – 57,65,70,79 jáne 96 kelige deıingi salmaq dárejesi.

14 sáýir – erkin kúres – 61, 74, 86, 92 jáne 125 kelige deıingi salmaq dárejeleri.

Kúrestiń ár túrinen 10 medal jıyntyǵy oınalady (barlyǵy 30 salmaq dárejesi).

Azııa chempıonaty alǵash ret 1979 jyly tek erkin kúresten ótse, eki jyldan keıin grek-rım kúresiniń balýandary Sary qurlyqtaǵy myqtylardy anyqtady. Áıelder kúresinen Azııa chempıonaty 1996 jyldan beri ótkizilip keledi.

Dastan KENJALIN,

ASTANA