Halyqaralyq jarystardyń jeńimpazdaryna qansha mólsherde syıaqy tólenedi?

Mádenıet jáne sport mınıstrligi «Halyqaralyq sporttyq jarystardyń chempıondary men júldegerlerine, jattyqtyrýshylarǵa jáne sport túrleri boıynsha Qazaqstan qurama komandalarynyń múshelerine aqshalaı kótermeleýdiń mólsherin bekitý týraly» buıryq ázirledi.

Jazǵy, qysqy Olımpıada, Paralımpıada, Sýrdlımpıada oıyndarynda birinshi oryn alǵandar 250 myń dollar, ekinshi oryn alǵandar 150 myń dollar, úshinshi oryn alǵandar 75 myń dollar alady dep belgilendi.

Bul rette syılyqaqylar 4,5 jáne 6 oryn úshin de tólenedi.

Olımpıadalyq sport túrleri boıynsha álem rekordyn jańartqandarǵa 5 myń dollar syıaqy bólek tólenedi.

Eresekter arasynda olımpıadalyq, paralımpıadalyq, sýrdlımpıadalyq sport túrleri boıynsha álem chempıonatynda  birinshi oryn alǵan sportshyǵa 15 myń dollar, ekinshi oryn alǵan sportshyǵa 7 myń dollar, úshinshi oryn alǵan sportshyǵa 5 myń dollar syıaqy tólenedi.

Jazǵy, qysqy Dúnıejúzilik Ýnıversıadada birinshi oryn úshin 15 myń dollar, ekinshi oryn úshin – 10 myń dollar, úshinshi oryn úshin – 5 myń dollar tólenedi.

Dastan KENJALIN,

ASTANA