SportPress.kz قازاقستان سپورت جاڭالىقتارى
استانادا كۇرەس تۇرلەرىنەن ءوتىپ جاتقان قازيا چەمپيوناتىنا جاپونيانىڭ ايەلدەر قۇراماسىن باستاپ كەلگەن باس جاتتىقتىرۋشى كانەحاما ريو بىزگە شاعىن سۇحبات بەردى.
— جاپونيانىڭ كۇرەس فەدەراتسيا باسشىلارى الداعى ۋاقىتتا قازاقستان ايەلدەر قۇراماسى سپورتشىلارىمەن بىرگە وقۋ-جاتتىعۋ جيىنىن وتكىزۋگە رۇقسات بەرە مە؟
— مارحابات! جاپونيادا 17-22 قازان كۇندەرى وقۋ-جاتتىعۋ جيىنىن وتكىزەمىز. سول كەزدە كەلىڭىزدەر. بىراق كەمىندە ون ادام كەلۋى كەرەك.
— قازىرگى كەزدە جاپونيادا ايەلدەر كۇرەسىمەن اينالىساتىندار سانى قانشا؟
— 300 مىڭ قىز كۇرەسپەن اينالىسادى.
— دۇنيە ءجۇزى بويىنشا ايەلدەر كۇرەسىنەن جاپوندار ءبىرىنشى ورىندا ەمەس پە؟ نەگە كۇرەسپەن اينالىساتىندار از؟
— ويتكەنى، بىزدە ايەلدەر كۇرەسىنە قىزىعۋشىلىق از. كوبىسى تاەكۆوندو، باسكەتبول مەن باسقا دا سپورت تۇرلەرىنە قىزىعادى.
— استانا قالاسىندا ءوتىپ جاتقان ازيا چەمپيوناتىندا جەڭىسكە جەتكەن قىزدارىڭىز الەم چەمپيوناتى مەن جازعى ازيا ويىندارىنا بارا ما؟
— بيىل 15-18 ماۋسىم كۇندەرى ايەلدەر كۇرەسىنەن جاپونيا چەمپيوناتى وتەدى. جالپى چەمپيوناتتا جاپون سپورتشىلارىن تاڭداۋ قيىن. باسەكە كۇشتى. سول جارىستا جەڭىسكە جەتكەن بالۋاندار الەم چەمپيوناتىنا بارادى.
سۇحباتتاسقان ايبەك مۇحانوۆ،
قازاقستان جۋرناليستەر وداعىنىڭ مۇشەسى.
