Tennısten Qazaqstan áıelder quramasy alǵash ret úzdik jetilikke kirdi

Bıllı Djın Kıng kýbogynyń jańartylǵan reıtınginde Qazaqstan áıelder qurama komandasy 10-orynnan birden 6-orynǵa kóterildi. Tennısten ulttyq qurama AQSh, Germanııa, Italııa, Rýmynııa, Belgııa, Ulybrıtanııa sekildi komandalardy artqa qaldyrdy.

Jaqynda Qazaqstan áıelder komandasy Astanada ótken Bıllı Djın Kıng kýbogynyń irikteý kezeńinde Polsha tennısshilerin 3:1 esebimen utyp, komandalyq álem chempıonatynyń fınaldyq kezeńine joldama alǵan bolatyn. Bul kezdesýde Elena Rybakına men Iýlııa Pýtıneva jekelegen synda polıak qarsylastary Magda Lınett pen Vıktorııa Falkovskany utty.

Dastan KENJALIN,

ASTANA