جانسايا ابدىمالىكتىڭ كىمگە تۇرمىسقا شىققانى بەلگىلى بولدى

بەلگىلى شاحماتشى جانسايا ابدىمالىك تۇرمىسقا شىقتى. كۇيەۋ جىگىت وزىنەن 11 جاس ۇلكەن، دەپ حابارلايدى Qaz365.kz.

ول – «قازاقمىس كورپوراتسياسى» جشس باسقارما توراعاسى نۇراحمەت نۇريەۆ.

نۇراحمەت قانات ۇلى 1989 جىلى تۋعان. ۇلىبريتانيادا ءبىلىم العان، سونىمەن قاتار Anglia Ruskin University ىسكەرلىك اكىمشىلەندىرۋ ماگيسترى دارەجەسىنە يە.

2011 جىلدان 2013 جىلعا دەيىن Hamble Group-تا قارجىلىق تالداۋشى بولىپ جۇمىس ىستەگەن.

2013-2015 جىلدارى پاۆلودار جانە اتىراۋ قالالارىندا مۇناي وڭدەۋ زاۋىتتارىنىڭ قۇرىلىمدىق بولىمشەلەرىندە جۇمىس ىستەگەن.

2015-2019 جىلدارى «مايكۋبەن ۆەست» جشس جانە «شۇباركول پرەميۋم» اق كومىر ءوندىرۋشى كاسىپورىندارىندا قارجى ديرەكتورى، باس ديرەكتوردىڭ كورپوراتيۆتىك دامۋ جونىندەگى ورىنباسارى بولىپ جۇمىس ىستەگەن.

2019 جىلدان 2020 جىلعا دەيىن «ينتەرگاز ورتالىق ازيا» اق تاراز ۋمگ فيليالى ديرەكتورىنىڭ ورىنباسارى، «قازترانسگاز» اق تاريفتەر جانە ينۆەستيتسيالىق ساياسات دەپارتامەنتى ديرەكتورىنىڭ ورىنباسارى بولىپ جۇمىس ىستەگەن.

«قازاقمىس» كورپوراتسياسىنداعى ەڭبەك جولىن 2020 جىلى جوبالاۋ توبىنىڭ باسشىسى قىزمەتىنەن باستادى. سول جىلدىڭ قىركۇيەك ايىنان باستاپ «قازاقمىس كورپوراتسياسى» جشس اۋتسورسينگ جونىندەگى ديرەكتورى قىزمەتىن اتقاردى.

2021 جىلدىڭ ماۋسىمىندا «قازاقمىس سمەلتينگ» جشس باس ديرەكتورى بولىپ تاعايىندالعان بولاتىن.