جان كوسوبۋتسكي ەشكىمنەن جەڭىلمەگەن نوكاۋتشىمەن جەكپە-جەككە شىعادى

كاسىپقوي بوكسشى جان كوسوبۋتسكيدىڭ كەلەسى قارسىلاسى انىقتالدى. ول جاقىن ارادا وسى كەزگە دەيىن شارشى الاڭدا ەشكىمنەن جەڭىلمەگەن امەريكالىق دجارەد اندەرسونمەن جەكپە-جەككە شىعادى.

امەريكالىق بوكسشىنىڭ جاسى – 23-تە. جان كوسوبۋتسكي – 34-تە. دجارەد اندەرسون كاسىپقوي رينگكە 13 رەت شىعىپ، بىردە-ءبىر رەت جەڭىلىپ كورمەگەن. ونىڭ «ءداۋ بالاقاي» دەگەن لاقاپ اتى بار ەكەن.

بەلگىلى امەريكالىق جۋرناليست ءارى ينسايدەر مايك كوپپيندجەردىڭ ايتۋىنشا، جەكپە-جەك 1 شىلدەدە اقش-تىڭ تولەدو قالاسىندا وتەدى. بۇل اندەرسوننىڭ تۋىپ-وسەن قالاسى. ال جان كوسوبۋتسكي ارقالىق قالاسىنىڭ تۋماسى. اكەسى سەرگەي كوسوبۋتسكي بوكسشىنىڭ جەكە جاتتىقتىرۋشىسى.

بۇل ايقاس ESPN ارناسى ترانسلياتسيالايتىن بوكس كەشىنىڭ باستى جەكپە-جەگى بولادى.

داستان كەنجالين،

استانا