Жан Кособуцкий ешкімнен жеңілмеген нокаутшымен жекпе-жекке шығады

Кәсіпқой боксшы Жан Кособуцкийдің келесі қарсыласы анықталды. Ол жақын арада осы кезге дейін шаршы алаңда ешкімнен жеңілмеген америкалық Джаред Андерсонмен жекпе-жекке шығады.

Америкалық боксшының жасы – 23-те. Жан Кособуцкий – 34-те. Джаред Андерсон кәсіпқой рингке 13 рет шығып, бірде-бір рет жеңіліп көрмеген. Оның «Дәу балақай» деген лақап аты бар екен.

Белгілі америкалық журналист әрі инсайдер Майк Коппинджердің айтуынша, жекпе-жек 1 шілдеде АҚШ-тың Толедо қаласында өтеді. Бұл Андерсонның туып-өсен қаласы. Ал Жан Кособуцкий Арқалық қаласының тумасы. Әкесі Сергей Кособуцкий боксшының жеке жаттықтырушысы.

Бұл айқас ESPN арнасы трансляциялайтын бокс кешінің басты жекпе-жегі болады.

Дастан КЕНЖАЛИН,

АСТАНА