Jan Kosobýkıı eshkimnen jeńilmegen nokaýtshymen jekpe-jekke shyǵady

Kásipqoı boksshy Jan Kosobýkııdiń kelesi qarsylasy anyqtaldy. Ol jaqyn arada osy kezge deıin sharshy alańda eshkimnen jeńilmegen amerıkalyq Djared Andersonmen jekpe-jekke shyǵady.

Amerıkalyq boksshynyń jasy – 23-te. Jan Kosobýkıı – 34-te. Djared Anderson kásipqoı rıngke 13 ret shyǵyp, birde-bir ret jeńilip kórmegen. Onyń «Dáý balaqaı» degen laqap aty bar eken.

Belgili amerıkalyq jýrnalıst ári ınsaıder Maık Koppındjerdiń aıtýynsha, jekpe-jek 1 shildede AQSh-tyń Toledo qalasynda ótedi. Bul Andersonnyń týyp-ósen qalasy. Al Jan Kosobýkıı Arqalyq qalasynyń týmasy. Ákesi Sergeı Kosobýkıı boksshynyń jeke jattyqtyrýshysy.

Bul aıqas ESPN arnasy translıaııalaıtyn boks keshiniń basty jekpe-jegi bolady.

Dastan KENJALIN,

ASTANA