SportPress.kz قازاقستان سپورت جاڭالىقتارى
مادەنيەت جانە سپورت ءمينيسترى اسحات ورالوۆ بىلتىر برازيليادا وتكەن سۋردليمپيادادا ەستۋ قابىلەتى ناشار سپورتشىلار اراسىندا چەمپيونى اتانعان دزيۋدوشى ەركەبۇلان قانافينمەن كەزدەسءتى.
برازيلياداعى سۋردليمپيادانىڭ التىن مەدالىن جەڭىپ العان دزيۋدوشى ەركەبۇلان قانافينمەن كەزدەستىم. كەيبىر تۇسىنىسپەۋشىلىككە بايلانىستى چەمپيونىمىزدىڭ جەڭىسى ونىڭ كەيىنگى ىسىمەن بايلانىستى كولەڭكەدە قالىپ قويعانى وكىنىشتى.
سپورتشىمەن جانە سۋردليمپيادا كوميتەتىنىڭ وكىلدەرىمەن كەزدەسىپ، ءبارىن كوزبە-كوز تالقىلاعانىمىز پايدالى بولدى. كەزدەسۋ قورىتىندىسى بويىنشا مۇنداي جاعدايلاردىڭ قايتالباۋى ءۇشىن وسى ماسەلەگە بايلانىستى جۇمىس توبىن قۇرۋدى شەشتىم، — دەدى ول.
وتكەن جىلى ەركەبۇلان قانافين سۋرردليمپيادادا ەلىمىزگە العاشقى التىن جۇلدەنى جەڭىپ العان ەدى. بىراق مادەنيەت جانە سپورت مينيسترلىگى سپورتشى جارىسقا زاڭسىز دەپ شەشىم شىعارىپ، ونىڭ التىن مەدالىن ەسەپكە المادى. وسىدان كەيىن سۋردليمپيادا چەمپيونى ەركەبۇلان قانافين ۆەدومستۆونى سوتقا بەرىپ، سوتتا جەڭىپ شىقتى. سوت مينيسترلىكتىڭ جارىستا التىن مەدال ءۇشىن قانافينگە اقشالاي سىياقى تولەۋدەن باس تارتۋ تۋرالى شەشىمىن زاڭسىز دەپ تاپتى.
داستان كەنجالين،
استانا
