«پاري سەن-جەرمەن» كلۋبى مەسسيگە ەسكەرتۋ جاسادى

ارگەنتينا ۇلتتىق قۇراماسىنىڭ شابۋىلشىسى ليونەل مەسسي «پاري سەن-جەرمەن» كلۋبىنىڭ باسشىلىعىن ەسكەرتپەي، ءوز ەركىمەن ساۋد ارابياسىنا بارعانى ءۇشىن ەكى اپتاعا ويىنداردان شەتتەتىلدى.

سونىمەن بىرگە مەسسي جاتتىعۋلاردان شەتتەتىلىپ، ەكى جۇماعا تولەنەتىن ايلىعىنان ايىرىلدى.

ەندى ارگەنتينالىق فۋتبوليست فرانتسيا چەمپيوناتىنداعى «ترۋا» (7 مامىر) مەن «اياچچو» (13 مامىر) كوماندالارىنا قارسى ويىنعا قاتىسپايدى.

قازىر مەسسي 35 جاستا. ول  « پسج» كلۋبىنا كەلگەلى بەرى 37 ماتچ وتكىزىپ، 20 گول سالىپ، 19 ناتيجەلى پاس بەردى. 2021 جىلدان بەرى ول پاريج قالاسىنىڭ كومانداسىنىڭ قۇرامىندا فرانتسيانىڭ چەمپيونى بولىپ، سۋپەركۋبوكتىڭ يەگەرى اتاندى.

«پسج» كلۋبى فرانتسيا چەمپيوناتىندا 75 ۇپايمەن ءبىرىنشى ورىندا كەلەدى.

داستان كەنجالين،

استانا