مەندە ءبارى قازاقشا. مەن قىسىلىپ، قورقىپ جۇرەتىن قۇلدىق سانادا ەمەسپىن! – جانىبەك ءالىمحان ۇلى

بوكسشى جانىبەك ءالىمحان ۇلى الەۋمەتتىك جەلىدە وقىرماننىڭ مەملەكەتتىك تىلگە قاتىستى سۇراقتارىنا جاۋاپ بەردى. وقىرماننىڭ ءبىرى بوكسشىنىڭ شەتەلدە نە سەبەپتى انا تىلىندە عانا سويلەتىنىن، سۇراقتارعا نەگە قازاق تىلىندە عانا جاۋاپ بەرەتىنىن سۇراعاندا جانىبەك ءالىمحان ۇلى قاي جەردە جۇرسە دە مەملەكەتتىك تىلگە قۇرمەت كورسەتەنىن ايتتى.

مەندە ءبارى قازاقشا. مەنىڭ ءتىلىمدى، مەنىڭ ءۇنىمدى الەم ەستىسىن! مەن ەلى ءۇشىن جانىن بەرگەن باتىرلاردىڭ، ۇلتىنىڭ ەرتەڭىنە الاڭداعان الاشتىقتاردىڭ ۇرپاعىمىن. اللاعا شۇكىر!

مەن الەم الدىندا قازاقشا سويلەۋدەن، ءىرى سويلەۋدىڭ ەشقاشان قىسىلمايمىن. مەنىڭ قانىمدا مەن ۇيالاتىن نارسە جوق! مەن قىسىلىپ، قورقىپ، جالتاقتاپ جۇرەتىن قۇلدىق سانادا ەمەسپىن! سەبەبى، مەن قازاقپىن. مەنىڭ ءومىرىمنىڭ ءستيلى — QAZAQ STYLE! جەڭىستى كۇندە جۇزدەسەيىك، قازاق ەلى!، — دەدى ول.

ەسكە سالا كەتسەك، 14 مامىردا ورتا سالماقتا WBO چەمپيونى جانىبەك ءالىمحان ۇلى كانادالىق ستيۆەن باتلەرمەن قولعاپ تۇيىستىرەدى. ولار جاقىندا جەكپە-جەك الدىندا كوز ارباستى. وسى جەردە دە ول قازاقشا سويلەپ، چەمپيوندىق اتاقتى قورعاي بەرمەي، تيتۋلداردى جەڭىپ العىسى كەلەتىنىن ايتتى.

بوكسشىلار رەسمي ءباسپاسوز ءماسليحاتىن دا وتكىزدى.

ەندى 14 مامىردا بوكسشىلار اقش-تىڭ كاليفورنيا شتاتىنداعى سكتوكتون قالاسىندا جەكپە-جەككە شىعادى.

بۇل كەزدەسۋ 12 راۋندقا ەسەپتەلگەن. جانىبەك ءالىمحان ۇلى چەمپيون اتاعىن ەكىنشى رەت قورعايدى.

داستان كەنجالين،

استانا

 

View this post on Instagram

 

A post shared by JANIBEK | QAZAQ STYLE (@janibek_alimkhanuly)