اۋىر اتلەتيكا: قازاقستان ازيا چەمپيوناتىندا تاعى ەكى جۇلدە الدى

وڭتۇستىك كورەيانىڭ چيندجۋ قالاسىندا اۋىر اتلەتيكادان ەرەسەكتەر اراسىندا ءوتىپ جاتقان ازيا چەمپيوناتىندا قازاقستان ۇلتتىق قۇراما سىنىڭ قورجىنىنا تاعى ەكى جۇلدە ءتۇستى.

ەرلەر اراسىنداعى 109 كەلىگە دەيىنگى سالماقتا ارتەم انتروپوۆ كۇمىس جۇلدەگەر اتانسا (399 كگ)، تاعى ءبىر وتانداسىمىز اڭداس سامارقانوۆ (390 كگ) ءۇشىنشى ورىنعا يە بولدى. بۇل سالماقتا التىن مەدالدى ريو وليمپياداسىنىڭ چەمپيونى وزبەكستاندىق رۋسلان نۋرۋدينوۆ جەڭىپ الدى.

ارتەم انتروپوۆ العاشقى جاتتىعۋدان كەيىن 172 كەلىنى كوتەرىپ، ءتورتىنشى ورىندا كەلە جاتقان. ال اڭداس بەسىنشى ورىننان كورىندى (169 كگ). شەشۋشى سايىس جۇلقا كوتەرۋدە انتروپوۆ 227 كگ تارتاتىن تاستى ەڭسەرسە (ەكىنشى ورىن)، سامارقانوۆ تا بارىن سالىپ، 221 كەلىنى ىرقىنا كوندىرىپ، ۇزدىك ۇشتىكتى تۇيىندەدى.

ايتا كەتەيىك، بىرنەشە ساعات بۇرىن باق سىناعان وتانداسىمىز نۇرعيسا ادىلەت ۇلى التىن مەدال جەڭىپ الدى. وسىمەن قازاقستان قۇراماسىنىڭ ەنشىسىندە ءبىر التىن، ءبىر كۇمىس پەن ءۇش قولا مەدال بولدى. چيندجۋداعى جۇلدە ءۇشىن ۇلەستىرىلەتىن ۇپايلار پاريج وليمپياداسىنا جولداما الۋعا مۇمكىندىك بەرەدى.

شامكەن بايىربەك،

استانا