Aýyr atletıka: Qazaqstan Azııa chempıonatynda taǵy eki júlde aldy

Ońtústik Koreıanyń Chındjý qalasynda aýyr atletıkadan eresekter arasynda ótip jatqan Azııa chempıonatynda Qazaqstan ulttyq qurama synyń qorjynyna taǵy eki júlde tústi.

Erler arasyndaǵy 109 kelige deıingi salmaqta Artem Antropov kúmis júldeger atansa (399 kg), taǵy bir otandasymyz Ańdas Samarqanov (390 kg) úshinshi orynǵa ıe boldy. Bul salmaqta altyn medaldi Rıo Olımpıadasynyń chempıony ózbekstandyq Rýslan Nýrýdınov jeńip aldy.

Artem Antropov alǵashqy jattyǵýdan keıin 172 kelini kóterip, tórtinshi orynda kele jatqan. Al Ańdas besinshi orynnan kórindi (169 kg). Sheshýshi saıys julqa kóterýde Antropov 227 kg tartatyn tasty eńserse (ekinshi oryn), Samarqanov ta baryn salyp, 221 kelini yrqyna kóndirip, úzdik úshtikti túıindedi.

Aıta keteıik, birneshe saǵat buryn baq synaǵan otandasymyz Nurǵısa Ádiletuly altyn medal jeńip aldy. Osymen Qazaqstan quramasynyń enshisinde bir altyn, bir kúmis pen úsh qola medal boldy. Chındjýdaǵy júlde úshin úlestiriletin upaılar Parıj Olımpıadasyna joldama alýǵa múmkindik beredi.

Shamken BAIYRBEK,

ASTANA