SportPress.kz Qazaqstan sport jańalyqtary
Belgili MMA sheberi, erejesiz jekpe-jekten Qazaq atymen tanylǵan Qaırat Ahmetov Sportnama jobasyna suhbat berip, kásipkerlerdiń aldap ketkenin aıtty.
Ol bir adamdardyń telefon shalyp, qymbat kólik syılaıtyndaryn aıtqanyn, biraq sol avtokólikti áli kórmegenin jasyrmady.
Maǵan túngi 3-te telefon shalyp «Baýyrym, qutty bolsyn, saǵan kólik syılaımyn!», — degender boldy. Bul bir emes, eki-úsh ret boldy. Meniń júregim dúrsildep, meniń de kádimgideı eńbegimdi baǵalaıtyndar bar eken dep, qýanatynmyn. Meniń de aǵa-baýyrlarym bar eken ǵoı dep oılaıtynmyn. Sodan keıin bir aı ótedi, eki, úsh aı ótedi.
Sosyn óziń de habarlasýǵa yńǵaısyzdanasyń ǵoı. Uıalasyń ǵoı. Sonyń shet jaǵasyn bileıin deseń olar sol kúıi joq bolyyp ketedi.
О́zim telefon shalyp, suraýǵa uıalamyn. Bir qyzyǵy, mundaı jaǵdaı birneshe ret boldy, — dedi ol.
Odan keıin erejesiz jekpe-jek sheberi bárine óz eńbegimmen jetip kele jatqanyn, eshkim oǵan kólik syılaýǵa mindetti emes ekenin aıtty.
Osy rette Qaırat Ahmetov Danııar Qasqaraýov bastaǵan bir top úı alatyn kezde aqsha jınap bergenin, ol úıdiń jarty aqshasyn ózi qosyp, «Aqsaı» shaǵyn aýdanynan úı alǵanyn atap ótti.
Negizi, osy ýaqytqa deıin maǵan eshkim mundaı syılyq jasamaǵan. Eshkimnen eshteńe surap kórmegemin. Maǵan eshkim eshteńe bermegen. Kólik mingizgen joq. О́zim satyp aldym. Kredıtke aldym. Osy kúnge deıin eshkimniń ala jibin attamadym. Eshkimdi renjikten emespin. Bireýdiń aldynda birdeńe surap bara almaımyn, — dedi sportshy.
Sonymen birge ol suhbatta nanǵa aqshasy bolmaǵan kezderi bolǵanyn, kásipker Baýyrjan Ospanovtan aqsha suraýǵa uıalǵanyn, al qazir jekpe-jekten jaqsy aqsha tabatynyn atap kórsetti.
Dastan KENJALIN,
ASTANA
