قازاق شاباندوزى فرانتسيادا قاتارىنان ەكى باس جۇلدەنى جەڭىپ الدى

قازاق شاباندوزى باۋىرجان مۇرزاباەۆ بەدەلدى «كاتار پري» ات جارىسىنا قاتىسىپ، ەكى رەت باس جۇلدە يەلەندى. بۇل تۋرالى «حابار 24» تەلەارناسى حابارلادى.

سايىس فرانتسيانىڭ سولتۇستىگىندەگى شانتيي قالاسىندا ءوتتى. باۋىرجاندى فرانتسياعا اتاقتى جاتتىقتىرۋشى اندرە فابرە شاقىرعان.

وتانداسىمىزدىڭ شەبەرلىگى ەۋروپاعا تانىس بولعانمەن، فرانتسيانىڭ اتسۇيەر قاۋىمى اراسىندا اسا تانىمال ەمەس. بىراق سوعان قاراماستان فابرە باۋىرجاندى ءوزىنىڭ باستى شاباندوزى ەتىپ تاعايىنداعان. قانداسىمىز باپكەردىڭ ارتقان ءۇمىتىن اقتادى.

شاباندوز شانتييدە 6 بايگەگە قاتىسىپ، ونىڭ سايگ ۇلىگى ەكى رەت مارەگە ءبىرىنشى بولىپ كەلدى. ەندى بىرنەشە اپتادان كەيىن وتانداسىمىز «پاريج گران پريىندە» باق سىناپ كورمەك.

«فرانتسيا ات سپورتى سالاسىندا ەۋروپاداعى ەڭ ۇزدىك ەل سانالادى. مەنىڭ مانسابىم چەحيادا باستالعان. سودان كەيىن گەرمانيادا بولدىم. ەندى مىنە، فرانتسياعا كەلىپ، ەڭبەك ەتىپ جاتىرمىن. بۇعان دەيىن جۇمىس ىستەگەن ەلدەرىمدە چەمپيون بولدىم. فرانتسيادا دا 2-3 جىل ىشىندە وسى بيىك بەلەسكە جەتۋدى ماقسات ەتىپ وتىرمىن»، — دەدى باۋىرجان مۇرزاباەۆ.

ەركەعالي بەيسەنوۆ،

استانا