Mádenıet jáne sport mınıstrligine birneshe qosymsha quzyret beriledi

Ashyq NQA portalynda «Mádenıet jáne sport mınıstrliginiń keıbir máseleleri týraly» Úkimet qaýlysy talqyǵa shyǵaryldy.

Qujatta atap kórsetilgendeı, Mádenıet jáne sport mınıstrligine qosymsha myna qyzmetter beriledi:

— mádenıet máseleleri boıynsha turaqty jumys isteıtin komıssııa quryp, erejeni bekitip beredi;

— mádenıet salasyndaǵy memlekettik stıpendııa berý qaǵıdalaryn bekitedi;

— arhıv jáne kitaphana isi, geraldıka salalaryndaǵy ulttyq jáne halyqaralyq konkýrstar men festıvaldardy, syılyqtar men júldelerdi taǵaıyndaıdy;

— halyqaralyq  jarystardyń chempıondary men júldegerlerine, jattyqtyrýshylarǵa jáne sport túrleri boıynsha Qazaqstan ulttyq qurama komandalarynyń múshelerine aqshalaı kótermeleýdiń mólsherin bekitedi;

— bıýdjettik josparlaý jónindegi ýákiletti organmen kelisý boıynsha el aýmaǵynda bolatyn respýblıkalyq, oblystyq jáne halyqaralyq sporttyq jarystaryn medaldarmen qamtamasyz etý normalaryn bekitedi;

— Respýblıkalyq onomastıkalyq komıssııa qurady;

— Kınemotografııa salasyndaǵy memlekettik qoldaý máseleleri jónindegi vedomstvoaralyq komıssııa jasaqtaıdy;

— týrıstik qyzmet salasyndaǵy ǵylymı qamtamasyz etýdiń memlekettik júıesin qurady;

— lotereıa operatoryn jáne oǵan lotoreıa ótkizý quqyǵyn berý merzimin aıqyndaıdy.

Úkimet qaýlysy 20 maýsymǵa deıin kópshilik talqylaýda bolady. Osydan keıin qol qoıý úshin premer-mınıstrge joldanady.

Dastan KENJALIN,

ASTANA