Messı de jańa klýbty tańdap qoıdy

Argentına ulttyq quramasy men «Parı Sen-Jermen» klýbynyń shabýylshysy Lıonel Messı jańa komandany tańdady. Ol endi kelesi maýsymnan bastap Amerıka Qurama Shtattarynyń MLS lıgasynda oınaıtyn bolady.

Messı «Inter Maıamı» klýbyn tańdady. Onyń burynǵy klýbqa oralatyn oıy joq sııaqty. Ol AQSh lıgasyna tańdaýyn jasady, — dedi TNT Sports-tyń jýrnalısi Ernan Kastılo.

Qazir MLS lıgasynda «Inter Maıamı» týrnır kestesinde sońǵy orynda keledi. Bul lıgada barlyǵy 15 komanda oınaıdy.

Argentına quramasynyń shabýylshysy «Parı Sen-Jermen» klýbynyń sapynda sońǵy ret 3 maýsymda alańǵa shyqty. Sol kúni ol «Klermon» komandasyna qarsy oınady. Odan keıin onyń qaı eldiń klýbynda oınaıtyny belgisiz bolǵan. Keıbir derekte ol Saýd Arabııasynyń «Ál-Hılal» komandasynda oınaýy múmkin delindi. Arab eliniń jasaǵy oǵan 1 mlrd 200 mln eýro tólegesi de kelgen. Eger Messı «Ál-Hılal» komandasyna aýysqan jaǵdaıda bul fýtbol tarıhynda buryn-sońdy bolmaǵan rekordttyq kelisimshart bolatyn edi. Alaıda, argentınalyq arabtarǵa kelismin bermeı, AQSh elin tańdapty. Endi mine, barlyq másele sheshildi.

Messı 2021 jyldan bastap parıjdik klýb namysyn qorǵady. О́tken maýsymda argentınalyq shabýylshy 58 matchqa qatysyp, 22 gol salyp, 30 nátıjeli paspen kózge tústi.

Ol PSJ-nyń quramynda eki ret Franııanyń chempıony bolyp, bir ret osy eldiń sýperkýbogynyń ıegeri atandy. Odan bólek byltyr ol ulttyq quramanyń sapynda álem chempıony ataǵyn jeńip aldy.

Messı «Altyn dop» syılyǵyn jeti ret, «Altyn býtsy» premııasyn alty ret alǵan tarıhtaǵy jalǵyz fýtbolshy.

Osy aptada taǵy eki álemdik deńgeıdegi ataqty fýtbolshy basqa klýbtarǵa aýysty. Olar AQSh-ty emes, Saýd Arabııasyn tańdady. Ekeýi de Madrıdtiń «Real» komandasynda oınaǵan. Onyń biri – tegi arab, franııalyq Karım Benzema «Ál-Ittıhad» klýbymen eki jylǵa 200 mln eýroǵa kelisimshart jasasa, ekinshisi – horvatııalyq Lýkas Modrıch «Ál-Nasr» jasaǵyn tańdady. Ol endi portýgalııalyq Krıshtıaný Ronaldýmen bir klýbtyń jeıdesinde alańǵa shyǵatyn bolady. Ronaldý «Ál-Nasrmen» eki jylǵa kelisimshartqa otyrǵan. Ol jylyna komandadan 200 mln eýro alady.

Ata atalǵan fýtbolshylardyń bári «Altyn dop» syılyǵyn alǵan.

Dastan KENJALIN,

ASTANA