مەسسيدى قىتاي پوليتسياسى ۇستادى

ارگەنتينا قۇراماسىنىڭ شابۋىلشىسى ليونەل مەسسي قىتايدىڭ بەيجىڭ قالاسىنىڭ اۋەجايىندا ۇستالىپ، تەكسەرۋدەن كەيىن جىبەرىلدى. ول قىتايعا ارگەنتينا تولقۇجاتىمەن ەمەس، يسپانيا تولقۇجاتىمەن بارعان. سول ءۇشىن ونى قىتاي پوليتسەيلەرى ۇستاپ، تەكسەرۋگە ءماجبۇر بولدى.

مەسسي ارگەنتينا مەن اۆستراليا قۇرامالارىنىڭ جولداستىق ماتچىنا قاتىسۋعا كەلگەن بولاتىن.  بۇل ويىن15 ماۋسىمعا جوسپارلانعان. ال كەشە ارگەنتينا قۇراماسى ويىنعا دايىندىقتى باستاۋ ءۇشىن قىتايعا كەلدى. سول كەزدە ليونەل مەسسي قىتايعا ۆيزاسىز ءجۇرۋ قۇقىعىن بەرەتىن ارگەنتينانىڭ تولقۇجاتىمەن ەمەس، يسپانيانىڭ تولقۇجاتىمەن بارعان. يسپانيا ازاماتتارى قىتايدىڭ وزىنە ەمەس، تايۆانعا عانا ۆيزاسىز بارا الادى.

فۋتبولشى پوليتسياعا جاعدايدى تۇسىندىرشەن سوڭ، وعان جەدەلدەتىلگەن ۆيزا بەرىلدى.

داستان كەنجالين،

استانا