رىباكينا بەرلين تۋرنيرىندە ۇتىلىپ قالدى

قازاقستاننىڭ ءبىرىنشى، الەمنىڭ ءۇشىنشى راكەتكاسى ەلەنا رىباكينا گەرمانيانىڭ بەرلين قالاسىندا ءوتىپ جاتقان WTA 500 ءتۋرنيرىنىڭ شيرەك فينالىنا شىعا المادى.

تەننيسشى ەكىنشى اينالىمدا الەمنىڭ 23-راكەتكاسى، حورۆاتيالىق دوننا ۆەكيچپەن كەزدەسىپ، ۇتىلىپ قالدى.

ءبىرىنشى پارتيادا تاي-برەيكتە ەلەنا رىباكينا 7:6 (7:1) ەسەبىمەن جەڭگەن ەدى. سودان ەكىنشى، ءۇشىنشى سەتتە قارسىلاسىنا ەسە جىبەردى. حورۆاتيالىق سپورتشى وتانداسىمىزدى ەكى سەتتە دە 6:3، 6:4 ەسەبىمەن ۇتتى.

ويىن ەكى ساعات 14 مينۋتقا سوزىلدى. وسى ۋاقىتتا ەلەنا رىباكينا 15 ەيس جاساعانىمەن، 2 برەيك-پوينتتى ءمۇلت جىبەردى.

داستان كەنجالين،

استانا