ەۋروپا چەمپيوناتىنىڭ تاليسمانى تانىستىرىلدى

ەۋروپا فۋتبول قاۋىمداستىعى (ۋەفا) 2024 جىلى گەرمانيادا وتەتىن ەۋروپا چەمپيوناتىنىڭ تاليسمانىن تانىستىرۋ ءراسىمىن وتكىزدى.

ەۋروپا چەمپيوناتىنىڭ ماسكوتى رەتىندە تاڭدالعان قونجىق گەلزەنكيرزەن قالاسىنداعى مەكتەپتەردىڭ بىرىندە تانىستىرىلدى.

قونجىقتىڭ ەۋرو-2024 ءتۋرنيرىنىڭ رەسمي تاليسمانى رەتىندە تاڭداپ الىنۋىنا وسى ويىنشىقتىڭ العاش رەت حح عاسىردىڭ باسىندا گەرمانيادا شىعۋى سەبەپ بولعان ەكەن.

ەندى الداعى ەكى اپتادا جانكۇيەرلەر ۋەفا رەسمي سايتىندا قونجىققا ات تاڭدايدى. ۇسىنىلعان ءتورت نۇسقادا دا نەمىستىڭ Bär ءسوزى بار. ول قازاق تىلىنە اۋدارىلعاندا «قونجىق» دەگەن ماعىنانى بەرەدى. ال ءتورت نۇقسادا  Albärt، Bärnardo، Bärnheart جانە Herzi von Bär دەگەن اتتار بار.

داستان كەنجالين،

استانا