Halyqaralyq olımpııalyq komıtet IBA-ny moıyndaýdan bas tartty

Halyqaralyq olımpııalyq komıtet (HOK) Halyqaralyq boks qaýymdastyǵyn (IBA) moıyndaýdan bas tartty.

HOK Atqarý komıtetiniń 69 múshesi tıisti qaýly qabyldady. Daýys berýde HOK-tyń sheshimine bir adam qarsy shyqsa, 10 adam qalys qaldy.

Osylaısha, Halyqaralyq boks qaýymdastyǵy Olımpıadaǵa lıenzııa beretin qurlyqtyq chempıonattar, týrnırler men jarystardy uıymdastyrýdan shettetildi. Endi Olımpıadaǵa joldamany sarapqa salatyn boks básekelerin tikeleı HOk-tyń ózi uıymdastyryp otyrady.

Buǵan deıin bokstyń 2024 jylǵy Olımpııalyq oıyndardyń baǵdarlamasynan alynyp qalýy múmkin ekeni aıtylǵan edi.

Osyǵan baılanysty IBA prezıdenti reseılik Ýmar Kremlev uıymnyń problemalary olımpııalyq qozǵalysqa qatysty emes, HOK basshylyǵyndaǵy birneshe adamnyń kesirinen bolyp otyrǵanyn aıtqan bolatyn. Sonymen birge ol Halyqaralyq olımpııalyq komıtettiń jumysyn synǵa alyp, onyń boksty damytýdaǵy qyzmeti túkke turǵysyz ekenin málimdedi. Al HOK basshylyǵy Kremlevtiń sózderin jala retinde qabyldap, reseılikti aıyptady.

Sodan keıin Halyqaralyq boks qaýymdastyǵy HOK-pen aradaǵy qarym-qatynasty rettegisi kelip, sport arbıtrajyna uıymnyń sheshimine appelıaııa berdi. Alaıda Sport arbıtrajy onyń appelıaııasyn qabylmaı tastady.

HOK-tyń habarlaýynsha, reseılik azamat basqaratyn IBA Sport arbıtrajynyń sheshimi óz paıdasyna sheshilmegennen keıin Halyqaralyq olımpııalyq komıtettiń múshelerine qoqan-loqqy kórsetip, tipti olardyń kózin joıyp jiberetinderin málimdegen.  Sodan keıin Kremlevti jańa merzimge qaıta saılaǵan. Ol sosyn reseılik boksshylardyń bárinen sankııalaryn alyp tastap, ýkraın sportshylaryna sankııa salǵan. Onyń ústine IBA basshysy ýkraın boksshylaryna óz elderiniń týy astynda jarysqa qatysýǵa tyıym salyp, Ýkraına elin barlyq jarystan shettetip tastaǵan.

Endi IBA halyqaralyq deńgeıdegi mártebesinen aıyrylǵannan keıin 2024 jyly Parıjde ótetin Olımpııalyq oıyndardaǵy boks týrnırin uıymdastyrý mindetin HOK óziniń moınyna alady. Sonymen birge 2028 jyly AQSh-tyń Los-Andjeles qalasynda ótetin Olımpııalyq oıyndar baǵdarlamasyna ázirshe boksty engizbeý týraly sheshim qabyldandy.

Dastan KENJALIN,

ASTANA